മുംബൈ: എല്ലാം സുഖപ്പെടുത്താന്‍ പ്രകൃതി വഴി തേടുകയാണെന്ന് ഇന്ത്യന്‍ ഓപ്പണര്‍ രോഹിത് ശര്‍മ.  സാധാരണ ജീവിതത്തെ തകര്‍ത്ത് കൊടുങ്കാറ്റ് പോലെയാണ് കോവിഡ് നമ്മുടെ ജീവിതത്തെ ബാധിക്കാന്‍ തുടങ്ങിയതെന്നും രോഹിത് പറഞ്ഞു. 

പോസിറ്റീവായി നമ്മള്‍ ഇതിനെ കാണുകയാണ് എങ്കില്‍ അമ്മയായ ഭൂമി എല്ലാം സുഖപ്പെടുത്താന്‍ വഴി തെരയുകയാണ്. ഇതുപോലെയുള്ള സാഹചര്യങ്ങളില്‍ പോസിറ്റീവായിരിക്കുകയാണ് വേണ്ടത്. അതിന് നമ്മള്‍ ചേര്‍ന്ന് നില്‍ക്കണം, രോഹിത് ട്വിറ്ററില്‍ കുറിച്ചു. 

മാര്‍ച്ച് 24 മുതല്‍ ലോക്ക്ഡൗണില്‍ കുടുങ്ങിയിരിക്കുകയാണ് ലോകം. ഇന്ത്യയിലെ കോവിഡ് കേസുകള്‍ 78000 പിന്നിട്ടു കഴിഞ്ഞു. 2500ല്‍ അധികം പേര്‍ക്ക് ജീവന്‍ നഷ്ടമായി. 80 ലക്ഷം രൂപയാണ് രോഹിത് കോവിഡ് 19ന്റെ പ്രതിരോധ പ്രവര്‍ത്തനങ്ങള്‍ക്കായി സംഭാവന ചെയ്തത്.