ന്യൂഡല്‍ഹി: ലോക്ക്ഡൗണ്‍ ലംഘിച്ച് ബിജെപി എംപി മനോജ് തിവാരി ക്രിക്കറ്റ് കളിക്കാനെത്തി. ഹരിയാനയിലെ സോനിപത്ത് സ്റ്റേഡിയത്തിലാണ് സാമൂഹിക അകലം പാലിക്കാതെ എംപിയുടെ ക്രിക്കറ്റ് കളി. എംപിയുടെ നടപടിക്കെതിരെ സമൂഹമാധ്യമങ്ങളിലുള്‍പ്പടെ വന്‍ വിമര്‍ശനമാണ് ഉയരുന്നത്.
അതേസമയം ഐസിസിഐയുടെ മാര്‍ഗനിര്‍ദേശങ്ങള്‍ പാലിച്ചാണ് മത്സരം നടത്തിയതെന്നും ആവശ്യമായ നടപടിക്രമങ്ങളും സാമൂഹ്യഅകലം പാലിച്ചായിരുന്നു എല്ലാവരും കളത്തിലിറങ്ങിയതെന്നും സംഘാടകരിലൊരാളായ സഞ്ജീവ് പറഞ്ഞു.
എന്നാല്‍ മത്സരവുമായി ബന്ധപ്പെട്ട ചിത്രങ്ങളിലെല്ലാം തിവാരി സാമൂഹ്യ അകലം ലംഘിക്കുന്നതായി കാണാം. എന്നാല്‍ നിയമക്രമം പാലിച്ചാണ് കളിച്ചതെന്നും അതൊരു സ്വകാര്യ ചടങ്ങാണെന്നും തിവാരി പറഞ്ഞു. പൊലീസിന്റെ അനുമതിയോടെയാണ് അവിടെ പോയത്. ഹരിയാന സര്‍ക്കാരിനും പ്രാദേശിക അധികാരികള്‍ക്കും മത്സരത്തെക്കുറിച്ച് അറിയാമായിരുന്നു. 20-25 പേര്‍ മാത്രമാണ് ഗ്രൗണ്ടിലുണ്ടായതെന്നും അദ്ദേഹം പറഞ്ഞു.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ