മുംബൈ: കോവിഡ് 19 ലോകത്തിലാകെ വ്യാപിപ്പിച്ച് ചൈന സ്വന്തം ഇക്കണോമിയെ ശക്തിപ്പെടുത്തുകയാണെന്ന് ഇന്ത്യന്‍ സ്പിന്നര്‍ ഹര്‍ഭജന്‍ സിങ്. അധികാര ദാഹികള്‍ എന്ന ടാഗോടെയാണ് ഹര്‍ഭജന്‍ സിങ് ചൈനക്കെതിരെ രൂക്ഷ വിമര്‍ശനം ഉന്നയിക്കുന്നത്.
ഇതാണ് അവരുടെ പദ്ധതി...ലോകം മുഴുവനും കൊറോണ വൈറസ് പടര്‍ത്തുക. നമ്മളെല്ലാം പ്രയാസം നേരിടുമ്പോള്‍ അവര്‍ അത് കണ്ടിരുന്ന് സന്തോഷിക്കുകയാണ്. പിപിഇ കിറ്റുകളും മാസ്‌കും ലോകം മുഴുവന്‍ എത്തിക്കുന്നു. എന്നിട്ട് അവരുടെ സമ്പദ് വ്യവസ്ഥയെ ശക്തിപ്പെടുത്തുന്നു, ഹര്‍ഭജന്‍ സിങ് ട്വിറ്ററില്‍ കുറിച്ചു.
മെയ് 28ല്‍ ചൈനയില്‍ ഒരു കോവിഡ് കേസ് പോലുമില്ലെന്ന റോയ്‌റ്റേയ്‌സിന്റെ ട്വീറ്റ് പങ്കുവെച്ചാണ് ഹര്‍ഭജന്റെ വാക്കുകള്‍. അതിര്‍ത്തിയില്‍ ഇന്ത്യയുമായി ചൈന വീണ്ടും പോരിന് വഴി തുറന്നതും മനസില്‍ വെച്ചാണ് ഹര്‍ഭജന്റെ ട്വീറ്റെന്ന് വ്യക്തം.
കോവിഡ് ലോകത്ത് പടര്‍ന്ന് പിടിക്കുന്ന സമയം പാക് പേസര്‍ ഷുഐബ് അക്തറും ചൈനയെ കോവിഡ് വ്യാപനത്തിന് കുറ്റപ്പെടുത്തിയിരുന്നു. കണ്ണില്‍ കണ്ടതെല്ലാം കഴിക്കുന്ന ചൈനക്കാരുടെ സ്വഭാവം കാരണമാണ് ഇപ്പോള്‍ ലോകം മുഴുവന്‍ പ്രതിസന്ധിയിലായിരിക്കുന്നത് എന്നാണ് അക്തര്‍ കുറ്റപ്പെടുത്തിയത്.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ