ദുബായ്: ഇന്ത്യന്‍ സ്റ്റാര്‍ പേസര്‍ ജസ്പ്രിത് ബൂമ്രയുടെ ബൗളിങ് ആക്ഷന്‍ ക്രിക്കറ്റ് ലോകത്തെ ചര്‍ച്ചാ വിഷയമാണ്. സങ്കീര്‍ണമായ ബൂമ്രയുടെ ബൗളിങ് ആക്ഷനെ പ്രശംസിക്കുന്നവരും, സംശയത്തോടെ നോക്കുന്നവരുമുണ്ട്. അതിനിടയില്‍ ആറ് ബൗളര്‍മാരുടെ ബൗളിങ് ആക്ഷന്‍ അനുകരിച്ചാണ് ഇപ്പോള്‍ ബൂമ്രയുടെ വരവ്...
മുംബൈ ഇന്ത്യന്‍സിന്റെ പരിശീലന സെഷന് ഇടയിലാണ് നെറ്റ്‌സില്‍ ബൂമ്ര മഗ്രാത്ത് ഉള്‍പ്പെടെയുള്ളവരുടെ ബൗളിങ് ആക്ഷനുമായി എത്തിയത്. മുനാഫ് പട്ടേല്‍, മിച്ചല്‍ സ്റ്റാര്‍ക്, കേദാര്‍ ജാദവ്, ശ്രേയസ് ഗോപാല്‍, അനില്‍ കുംബ്ലേ, മഗ്രാത്ത് എന്നിവരെയാണ് ബൂമ്ര അനുകരിക്കുന്നത്. എന്നാല്‍ എല്ലാം പാളി പോയതായാണ് ആരാധകര്‍ പറയുന്നത്.
2017ല്‍ ഓസ്‌ട്രേലിയക്കെതിരായ ബംഗളൂരുവില്‍ നടന്ന ഏകദിനത്തിന് മുന്‍പ് നെറ്റ്‌സില്‍ ഇടംകയ്യന്‍ സ്പിന്നറായി ബൂമ്ര എത്തിയിരുന്നു. അന്ന് ആകാശ് ചോപ്രയാണ് ബൂമ്രയുടെ ബൗളിങ് ആക്ഷന്‍ പരീക്ഷണം ആരാധകര്‍ക്ക് മുന്‍പിലേക്ക് പങ്കുവെച്ച് എത്തിയത്.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ