ന്യൂഡൽഹി: ഇന്ത്യയിലെ കോവിഡ് വ്യാപനം കണക്കിലെടുത്ത് നാട്ടിലേക്ക് മടങ്ങിയ കെയ്ൻ റിച്ചാർഡ്സന് പകരം പുതിയ താരത്തെ ടീമിലെത്തിച്ച് റോയൽ ചലഞ്ചേഴ്സ് ബാം​ഗ്ലൂർ. മുംബൈ ഇന്ത്യൻസിന്റെ നെറ്റ് ബൗളർ സ്കോട്ട് കു​ഗ്ലൈനാണ് ബാം​ഗ്ലൂർ ടീമിലേക്ക് എത്തിയത്. 

ന്യൂസിലാൻഡിന് വേണ്ടി 2 ഏകദിനവും 16 ടി20യും കളിച്ച താരമാണ് കു​ഗ്ലൈൻ. അഹമ്മദാബാദിൽ മുംബൈ ഇന്ത്യൻസ് ക്യാമ്പിലായിരുന്ന കു​ഗ്ലൈൻ ബാം​ഗ്ലൂരിന്റെ ബയോ ബബിളിലേക്ക് ചേർന്നു. കു​ഗ്ലൈന്റെ കോവിഡ് പരിശോധനാഫലം നെ​ഗറ്റീവാണ്. 

ബാം​ഗ്ലൂർ ടീമിൽ നിന്ന് ആദം സാംപയും നാട്ടിലേക്ക് മടങ്ങിയിരുന്നു. 48 മണിക്കൂർ നീണ്ട കാത്തിരിപ്പിനൊടുവിലാണ് ഇവർക്ക് നാട്ടിലേക്ക് മടങ്ങാൻ സാധിച്ചത്. ദോഹ വഴി ഓസ്ട്രേലിയയിലേക്കാണ് ഇവരുടെ ഫ്ളൈറ്റ്.