ബംഗളൂരു: ഇന്ത്യന്‍ പ്രീമിയര്‍ ലീഗിന്റെ ശേഷിക്കുന്ന പോരാട്ടങ്ങള്‍ അടുത്ത മാസം യുഎഇയില്‍ തുടങ്ങാനിരിക്കെ വിരാട് കോഹ്‌ലി ക്യാപ്റ്റനായ റോയല്‍ ചലഞ്ചേഴ്‌സ് ബാംഗ്ലൂരിന് കനത്ത തിരിച്ചടി. ഓള്‍റൗണ്ടര്‍ വാഷിങ്ടന്‍ സുന്ദര്‍ ഐപിഎല്‍ യുഎഇ അധ്യായത്തില്‍ കളിക്കില്ല. പരിക്കാണ് താരത്തിന് തിരിച്ചടിയായത്.
ആര്‍സിബിയുടെ നിര്‍ണായക താരങ്ങളിലൊരാളാണ് വാഷിങ്ടന്‍ സുന്ദര്‍. താരത്തിന് കൈവിരലിനേറ്റ പരിക്കാണ് തിരിച്ചടിയായത്. താരം ഐപിഎല്ലിലെ ശേഷിയ്ക്കുന്ന മത്സരങ്ങള്‍ കളിക്കില്ലെന്ന് ആര്‍സിബി സ്ഥിരീകരിച്ചിട്ടുണ്ട്.
വാഷിങ്ടന്‍ സുന്ദറിന്റെ പകരക്കാരനായ ബംഗാള്‍ താരവും നെറ്റ് ബൗളറുമായ ആകാശ് ദീപിനെ പകരക്കാരനായി ടീമിലെടുത്തു. യുവ താരങ്ങള്‍ക്ക് വേണ്ട പ്രോത്സാഹനവും അവസരവും ഒരുക്കുക എന്നതിന്റെ ഭാഗമായി കൂടിയാണ് ആകാശ് ദീപിനെ ടീമിലെത്തിച്ചതെന്നും ആര്‍സിബി വ്യക്തമാക്കി.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ