ന്യൂഡല്‍ഹി: കുടുംബ ജീവിതത്തിലെ താള പിഴകള്‍ക്ക് ഇടയിലാണ് ഇന്ത്യന്‍ താരം മുഹമ്മദ് ഷമി ക്രിക്കറ്റില്‍ കരിയറിലെ ഏറ്റവും മികച്ച നാളുകളിലേക്ക് എത്തുന്നത്. കളിക്കളത്തില്‍ ഷമി തിളങ്ങുമ്പോഴും പുറത്ത് ഭാര്യ ഹസിന്‍ ജഹാന്‍ ഷമിക്കെതിരെ ഗുരുതര ആരോപണങ്ങള്‍ ഉന്നയിച്ച് എത്തി. ഇപ്പോഴിതാ മകളുടെ പേരില്‍ നിന്ന് ഷമിയുടെ പേര് ഒഴിവാക്കിയിരിക്കുകയാണ് ഹസിന്‍.
സമൂഹമാധ്യമങ്ങളില്‍ പങ്കുവെച്ച മകളുടെ ചിത്രത്തിലൂടെയാണ് ഹസിന്‍ ജഹാന്‍ മകളുടെ പേരു മാറ്റം പ്രഖ്യാപിക്കുന്നത്. മകളുടെ പേരിന് അവസാനം ഷമി എന്നുള്ളത് മാറ്റി പകരം ഐറ ജഹാന്‍ എന്നാണ് എഴുതിയത്.
ഇരുവര്‍ക്കുമിടയിലെ വിള്ളലുകള്‍ തുടരുന്നു എന്ന് വ്യക്തമാക്കുന്നതാണ് ഇത്. കളിയിലേക്ക് വരുമ്പോള്‍ പരിക്കില്‍ നിന്ന് മുക്തനാവാനുള്ള തയ്യാറെടുപ്പിലാണ് ഷമി ഇപ്പോള്‍. ഓസ്‌ട്രേലിയക്കെതിരായ ആദ്യ ടെസ്റ്റില്‍ ബൗണ്‍സറേറ്റ് ഷമിയുടെ കൈക്ക് പരിക്കേല്‍ക്കുകയായിരുന്നു.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ