സിഡ്‌നി: ഫോമിലേക്ക് എത്തിയ ഇന്നിങ്‌സില്‍ സ്മിത്തിനെ ഗ്യാലറിയിലേക്ക് മടക്കാന്‍ രവീന്ദ്ര ജഡേജയില്‍ നിന്ന് വന്നത് തകര്‍പ്പന്‍ ഡയറക്ട് ഹിറ്റ്. സിഡ്‌നിയില്‍ ഓസ്‌ട്രേലിയയുടെ ഒന്നാം ഇന്നിങ്‌സിനും തിരശീലയിട്ടത് ജഡേജയുടെ ആ ഒന്നൊന്നര ഡയറക്ട് ഹിറ്റാണ്.
ബൂമ്രയുടെ ഡെലിവറിയില്‍ ഇന്നര്‍ എഡ്ജ് ചെയ്ത് പോയ പന്തില്‍ സിംഗിള്‍ എടുത്തതിന് ശേഷം ഡബിളിനായി ഓടിയതോടെയാണ് സ്മിത്തിന് പിഴച്ചത്. ലോക ക്രിക്കറ്റിലെ ഏറ്റവും മികച്ച ഫീല്‍ഡറുടെ കൈകളിലേക്ക് പന്ത് എത്തിയതോടെ സ്‌ക്വയര്‍ ലെഗില്‍ നിന്ന് നേരെ സ്റ്റംപിലേക്ക്.
ഓസ്‌ട്രേലിയന്‍ ഇന്നിങ്‌സിന് അലട്ടി നാല് വിക്കറ്റ് വീഴ്ത്തിയതിന് പിന്നാലെയാണ് സ്മിത്തിനെ റണ്‍ഔട്ടിലൂടെ ജഡേജ പുറത്താക്കിയത്. ജഡേജയുടെ തകര്‍പ്പന്‍ ഡയറക്ട് ഹിറ്റിനെ അഭിനന്ദിച്ച് മുന്‍ ക്രിക്കറ്റ് താരങ്ങളും ആരാധകരും എത്തുന്നു.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ