33-ാം പിറന്നാൾ ആഘോഷിക്കുന്ന ഇന്ത്യൻ ടെസ്റ്റ് ടീം വൈസ് ക്യാപ്റ്റൻ അജിങ്ക്യ രഹാനയ്ക്ക് വേറിട്ടൊരു ജന്മദിനാശംസ കുറിച്ചിരിക്കുകയാണ് മുന്‍ ഇന്ത്യന്‍ താരം വിരേന്ദര്‍ സേവാഗ്. രഹാനയിലെ കരാട്ടെക്കുട്ടിയെ ഓസ്‌ട്രേലിയയില്‍ കണ്ടെന്നും. അഡ്‌ലെയ്ഡിലെ 36 ഓള്‍ ഔട്ടിന് ശേഷം ചരിത്ര വിജയത്തിലേക്ക് ടീമിനെ നയിച്ചത് ക്രിക്കറ്റ് പ്രേമികളുടെ ഓര്‍മ്മയില്‍ എന്നും നിലനില്‍ക്കുമെന്നും സേവാഗ് ആശംസയില്‍ കുറിച്ചു.
രഹാന കരാട്ടെ വേഷത്തില്‍ നില്‍ക്കുന്ന ഒരു ബാല്യകാല ചിത്രമാണ് പിറന്നാള്‍ ആശംസിക്കാനായി സേവാഗ് തെരഞ്ഞെടുത്തത്. ട്വിറ്ററിലൂടെയായിരുന്നു താരത്തിന്റെ ആശംസ.
സെവാഗിന് പുറമേ ഇന്ത്യൻ നായകൻ കൊഹ് ലി, സുരേഷ് റെയ്ന, ഹർഭജൻ സിങ്ങ്, ഹനുമ വിഹാരി, വിവിഎസ് ലക്ഷ്മൺ, കുൽദീപ് യാദവ് തുടങ്ങിയവരും രഹാനെയ്ക്ക് ആശംസയുമായെത്തി. ലോക ടെസ്റ്റ് ചാമ്പ്യൻഷിപ്പ് ഫൈനലിനായി ഇംഗ്ലണ്ടിലാണ് രഹാന ഇപ്പോഴുള്ളത്.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ