ന്യൂഡൽഹി: ലോകകപ്പ് യോ​ഗ്യതാ മത്സരങ്ങൾക്കായുള്ള ഇന്ത്യയുടെ സാധ്യത ടീമിനെ പ്രഖ്യാപിച്ചു. 28 അം​ഗ സംഘത്തെയാണ് പ്രഖ്യാപിച്ചിരിക്കുന്നത്.  മധ്യനിര താരങ്ങളായ സഹൽ അബ്​ദുൽ സമദും ആഷിഖ് കരുണിയനുമാണ് സാധ്യതാ ടീമിൽ ഇടംപിടിച്ചിരിക്കുന്ന മലയാളികൾ. 

ഖത്തറിൽ മൂന്ന് ലോകകപ്പ് യോ​ഗ്യതാ മത്സരങ്ങൾക്കുള്ള സാധ്യത ടീമാണ് ഇത്. ഇന്ന് വൈകുന്നേരം 28 അം​ഗ ഇന്ത്യൻ സംഘം ഖത്തറിലേക്ക് തിരിക്കും. 2023ലെ ഏഷ്യാ കപ്പിലേക്കുള്ള യോ​ഗ്യതാ മത്സരങ്ങളും ഇന്ത്യ കളിക്കും. ജൂൺ മൂന്ന് മുതലാണ് മത്സരങ്ങൾ. മെയ് 15 മുതൽ ഡൽഹിയിൽ ക്വാറന്റൈനിലാണ് ദോഹയിലേക്ക് പറക്കാനുള്ള ഇന്ത്യൻ സംഘം. 

അനുകൂല സാഹചര്യത്തിലല്ല ഇന്ത്യ യോ​ഗ്യതാ മത്സരങ്ങൾക്ക് ഇറങ്ങുന്നതെന്ന് സ്റ്റിമാ​ക് പറഞ്ഞു. കോവിഡിനെ തുടർന്ന് മെയിൽ കൊൽക്കത്തയിൽ നടത്തേണ്ടിയിരുന്ന ക്യാംപ് റദ്ദാക്കി. ദുബായിൽ കളിക്കേണ്ടിയിരുന്ന സൗഹൃദ മത്സരവും ഇന്ത്യക്ക് ഉപേക്ഷിക്കേണ്ടതായി വന്നത് സ്റ്റിമാക് ചൂണ്ടിക്കാണിച്ചു. 

ഇന്ത്യയുടെ 28 അം​ഗ സാധ്യത ടീം, 

​ഗോൾകീപ്പർമാർ: ​ഗുർപ്രീത് സിങ് സന്ധു, അമരിന്ദർ സിങ്, ധീരജ് സിങ്

ഡിഫന്റേഴ്സ്: പ്രിതം കോട്ടാൽ, രാഹുൽ ബെകെ, നരേന്ദർ ​ഗെഹ്ലോട്ട്, ചി​ഗ്ലെൻസന സിങ്, സന്ദേശ് ജിങ്കൻ, ആദിൽ ഖാൻ, ആകാശ് മിശ്ര, സുഭാശിഷ് ബോസ്

മിഡ് ഫീൽഡേഴ്സ്: ഉദാന്ത സിങ്, ബ്രണ്ടൻ ഫെർണാണ്ടസ്, ലിസ്റ്റൻ കൊളാകോ, റൗലിൻ ബോർ​ഗസ്, ​ഗ്ലാൻ മാർടിൻസ്, അനിരുദ്ധ് താപ, പ്രണോയ് ഹൽഡർ, സുരേഷ് സിങ്, അബ്​ദുൽ സഹൽ, യാസിർ, ചാങ്തേ, ബിബിൻ സിങ്, ആഷിക് കെ.

ഫോർവേർഡ്സ്: സുനിൽ ഛേത്രി, മൻവീർ സിങ്, ഇഷൻ