കായികം

മുംബൈയെ തകർത്ത് ചെന്നൈ; പോയന്റ് പട്ടികയിൽ ഒന്നാമതെത്തി ധോനിപ്പട 

സമകാലിക മലയാളം ഡെസ്ക്

ദുബായ്: ഐപിഎൽ പതിനാലാം സീസൺ രണ്ടാം ഭാ​ഗത്തിന് തിരികൊളുത്തിയ ചെന്നൈ-മുംബൈ പോരാട്ടത്തിൽ ജയം ധോനിപ്പടയ്ക്കൊപ്പം. മുംബൈ ഇന്ത്യൻസിനെ 20 റൺസിന് പരാജയപ്പെടുത്തി ചെന്നൈ വരവറിയിച്ചു. ചെ‌ന്നൈ ഉയർത്തിയ 157 റൺസ് വിജയലക്ഷ്യം പിന്തുടർന്ന മുംബൈക്ക് നിശ്ചിത 20 ഓവറിൽ 136 റൺസ് എടുക്കാനേ സാധിച്ചുള്ളു. 

20 ഓവറിൽ ആറ് വിക്കറ്റ് നഷ്ടത്തിലാണ് ചെന്നൈ 156 റൺസ് നേടിയത്. എന്നാൽ മുംബൈയുടെ തുടക്കം തകർച്ചയോടെയായിരുന്നു. സ്കോർബോർഡിൽ 56 റൺസ് ചേർക്കുന്നതിനിടെ നാല് മുൻനിര വിക്കറ്റുകൾ പൊഴിഞ്ഞു. 40 പന്തിൽ 50 റൺസ് നേടി പുറത്താകാതെ നിന്ന സൗരബ് തിവാരിയാണ് മുംബൈ നിരയിൽ ടോപ് സ്‌കോറർ. എട്ട് വിക്കറ്റ് നഷ്ടപ്പെടുത്തി 136 റൺസ് നേടാനെ രോഹിത് ശർമ്മയ്ക്കും കൂട്ടർക്കുമായൊള്ളു. ചെന്നൈ ബൗളർമാരിൽ ബ്രാവോ മൂന്നും ദീപക്ക് ചഹാർ രണ്ട് വിക്കറ്റും വീഴ്ത്തി. 

ടോസ് നേടി ബാറ്റിങ് തിരഞ്ഞെടുത്ത ചെന്നൈയുടെ തുടക്കവും തകർച്ചയോടെയായിരുന്നു. ആദ്യ മൂന്ന് ഓവറിനുള്ളിൽ മൂന്ന് വിക്കറ്റുകളാണ് ചെന്നൈയ്ക്ക് നഷ്ടമായത്. ഉജ്ജ്വല ബാറ്റിങുമായി ഓപ്പണർ റുതുരാജ് ഗെയ്ക്‌വാദ് കളം നിറഞ്ഞു. 58 പന്തുകൾ നേരിട്ട താരം 88 റൺസുമായി പുറത്താകാതെ നിന്നു. ഒൻപത് ഫോറുകളും നാല് സിക്‌സുകളും സഹിതമാണ് റുതുരാജിന്റെ ബാറ്റിങ്. ജഡേജ 33 പന്തുകൾ നേരിട്ട് 26 റൺസെടുത്ത് പുറത്തായി. ബ്രാവോ എട്ട് പന്തുകൾ നേരിട്ട് മൂന്ന് സിക്‌സുകൾ സഹിതം 23 റൺസാണ് അടിച്ചെടുത്തത്. 

ജയത്തോടെ 12 പോയന്റുമായി ചെന്നൈ പോയന്റ് പട്ടികയിൽ ഒന്നാം സ്ഥാനത്തായി. എട്ട് പോയന്റുള്ള മുംബൈ നാലാമതാണ്.

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ

ആലപ്പുഴയില്‍ ഉഷ്ണതരംഗ മുന്നറിയിപ്പ്, കോഴിക്കോട്ടും ഉയര്‍ന്ന രാത്രി താപനില തുടരും, 12 ജില്ലകളില്‍ യെല്ലോ അലര്‍ട്ട്, മഴയ്ക്കും സാധ്യത

'നിങ്ങളെ കിട്ടാൻ ഞാൻ ജീവിതത്തിൽ എന്തോ നല്ലത് ചെയ്‌തിട്ടുണ്ടാവണം'; ഭർത്താവിനോടുള്ള സ്നേഹം പങ്കുവെച്ച് അമല

വൈകീട്ട് 6 മുതൽ രാത്രി 12 വരെ വാഷിങ് മെഷീൻ ഉപയോ​ഗിക്കരുത്; നിർദ്ദേശവുമായി കെഎസ്ഇബി

'മുസ്ലീങ്ങള്‍ക്ക് സമ്പൂര്‍ണ സംവരണം വേണം'; മോദി രാഷ്ട്രീയ ആയൂധമാക്കി; തിരുത്തി ലാലു പ്രസാദ് യാദവ്

മയക്കിക്കിടത്തി കൈകാലുകള്‍ കെട്ടിയിട്ടു, ഭര്‍ത്താവിന്റെ സ്വകാര്യഭാഗം സിഗരറ്റ് കൊണ്ട് പൊള്ളിച്ചു; യുവതി അറസ്റ്റില്‍