മുംബൈ: ചെന്നൈയും മുംബൈയും ആഗ്രഹിച്ച നിലയിലല്ല സീസണില്‍ കാര്യങ്ങളുടെ പോക്ക്. ഇവിടെ ജയം പിടിച്ച് ചെന്നൈ നേരിയ ആശ്വാസത്തിലെത്തി. അവസാന പന്ത് വരെ ആരാധകരെ ത്രില്ലടിപ്പിച്ച കളിയില്‍ ടോസിന് ഇടയില്‍ രസകരമായൊരു സംഭവമുണ്ടായി.
ടോസ് നേടിയ രവീന്ദ്ര ജഡേജയെ കളിപ്പിക്കുകയാണ് മുംബൈ ക്യാപ്റ്റന്‍ രോഹിത് ശര്‍മ. ടോസ് ബൗളിങ് തെരഞ്ഞെടുത്തു എന്ന് പറഞ്ഞ് ജഡേജ മടങ്ങുന്നതിന് പിന്നാലെയാണ് രോഹിത് ജഡേജയ്ക്ക് നേരെ തിരിഞ്ഞത്. ബാറ്റിങ് തെരഞ്ഞെടുക്കും എന്നല്ലേ നീ എന്നോട് പറഞ്ഞത് എന്നായിരുന്നു രോഹിത്തിന്റെ ചോദ്യം. ഇതിന്റെ വീഡിയോയും സമൂഹമാധ്യമങ്ങളില്‍ വൈറലായി കഴിഞ്ഞു.
രണ്ട് ക്യാച്ചുകള്‍ ജഡേജ നഷ്ടപ്പെടുത്തി
കളിയില്‍ 3 വിക്കറ്റിനായിരുന്നു ചെന്നൈയുടെ ജയം. പതിവില്ലാത്ത ജഡേജയാണ് ഗ്രൗണ്ടില്‍ കണ്ടത്. രണ്ട് ക്യാച്ചുകള്‍ ജഡേജ നഷ്ടപ്പെടുത്തി. സ്ലിപ്പില്‍ ബ്രാവോയും ക്യാച്ച് കളഞ്ഞു കുളിച്ചു. ചൗധരിയുടെ ബൗളിങ് സ്‌പെല്‍ മുന്‍നിരയെ തകര്‍ത്തപ്പോള്‍ തിലകിന്റെ അര്‍ധ ശതകത്തിന്റെ ബലത്തില്‍ 155 റണ്‍സ് ആണ് മുംബൈ കണ്ടെത്തിയത്.
ചെയ്‌സ് ചെയ്ത് ഇറങ്ങിയ ചെന്നൈക്ക് ആദ്യ പന്തില്‍ തന്നെ ഋതുരാജിനെ നഷ്ടമായി. മറുവശത്ത് മികച്ച ഷോട്ടുകളിലൂടെ ബൗണ്ടറി കണ്ടെത്തിയ ഉത്തപ്പയ്ക്ക് അധിക സമയം ക്രീസില്‍ നില്‍ക്കാനായില്ല. റായിഡു 40 റണ്‍സ് എടുത്ത് പൊള്ളാര്‍ഡിന് ക്യാച്ച് നല്‍കി മടങ്ങി.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ