ലണ്ടന്‍: 60 വാര അകലെ നിന്ന് ഗോള്‍ വല കുലുക്കി വെസ്റ്റ് വാര്‍ഡിന്റെ ഇസ്മയില സര്‍. വാറ്റ്‌ഫോര്‍ഡിന് വേണ്ടി ചാമ്പ്യന്‍ഷിപ്പില്‍ വെസ്റ്റ്‌ബ്രോമിന് എതിരെയാണ് ഇസ്മയില സര്‍ സ്വന്തം ഹാഫില്‍ നിന്ന് ഷോട്ട് ഉതിര്‍ത്ത് ഗോള്‍ നേടിയത്.
പ്രീമിയര്‍ ലീഗ് ക്ലബുകള്‍ എന്തുകൊണ്ട് തന്നെ ലക്ഷ്യം വെക്കുന്നു എന്നതിന് ഉത്തരം നല്‍കിയാണ് സീസണിലെ തന്നെ മികച്ച ഗോള്‍ എന്ന വിശേഷിപ്പിക്കപ്പെടുന്ന ഗോളിലേക്ക് സെനഗലിന്റെ മുന്നേറ്റ നിര താരം എത്തിയത്. പെനാല്‍റ്റി ഏരിയക്ക് പുറത്താണ് വെസ്റ്റ് ബ്രോം ഗോള്‍ കീപ്പര്‍ നില്‍ക്കുന്നത് എന്ന് മനസിലാക്കിയാണ് രണ്ടാമതൊന്ന് ആലോചിക്കാതെ ഇസ്മയില പന്ത് ഗോള്‍ പോസ്റ്റിലേക്ക് ഉയര്‍ത്തി അടിച്ചത്.
1996ല്‍ ഡേവിഡ് ബെക്കാമില്‍ നിന്ന് വന്ന ഗോളിനോടാണ് ആരാധകര്‍ ഇസ്മയിലയുടെ ഗോളിനെ ഇപ്പോള്‍ താരതമ്യം ചെയ്യുന്നത്. പുഷ്‌കാസ് അവാര്‍ഡിനായി ഇസ്മയലിന്റെ ഗോള്‍ പരിഗണിക്കണം എന്ന മുറവിളിയും ഉയര്‍ന്ന് കഴിഞ്ഞു.
വെസ്റ്റ് ഹാം, ന്യൂകാസില്‍, ലീഡ്‌സ് ടീമുകളാണ് ട്രാന്‍സ്ഫര്‍ വിപണിയില്‍ ഇസ്മയില സറില്‍ താത്പര്യം പ്രകടിപ്പിച്ച് നില്‍ക്കുന്നവര്‍. ഈ സീസണില്‍ പ്രീമിയര്‍ ലീഗ് യോഗ്യത നേടാന്‍ വാറ്റ്‌ഫോര്‍ഡിന് കഴിഞ്ഞിരുന്നില്ല.
ഈ വാര്‍ത്ത കൂടി വായിക്കൂ
സമകാലിക മലയാളം ഇപ്പോള്‍ വാട്ട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ