ഗാസിയാബാദ്: ഗ്രൗണ്ടിലേക്ക് തിരിച്ചെത്തി ബാറ്റിങ് പരിശീലനം നടത്തി ഇന്ത്യന്‍ മുന്‍ താരം സുരേഷ് റെയ്‌ന. ഇതോടെ ഐപിഎല്ലിലേക്ക് തിരിച്ചെത്തുകയാണോ എന്ന ചോദ്യം ഉന്നയിക്കുകയാണ് ആരാധകര്‍.
രാജ്യാന്തര ക്രിക്കറ്റില്‍ നിന്ന് റെയ്‌ന വിരമിച്ച് കഴിഞ്ഞു. എന്നാല്‍ 2021 വരെ ചെന്നൈ സൂപ്പര്‍ കിങ്‌സിനൊപ്പം കളിച്ച റെയ്‌നയെ 2022ല്‍ ഒരു ടീമും സ്വന്തമാക്കാന്‍ തയ്യാറായില്ല. എന്നാല്‍ ഏതാനും കളിക്കാര്‍ക്കൊപ്പം പരിശീലനം നടത്തുന്ന വീഡിയോയാണ് റെയ്‌ന പങ്കുവെക്കുന്നത്.
എന്നാല്‍ കഴിഞ്ഞ വര്‍ഷം ഐപിഎല്‍ കളിക്കാനായില്ലെങ്കിലും കമന്ററിയിലും മറ്റുമായി സുരേഷ് റെയ്‌ന നിറഞ്ഞിരുന്നു. ഇപ്പോള്‍ നടത്തുന്ന പരിശീലനം കളിയിലേക്ക് മടങ്ങി എത്തുന്നതിന് വേണ്ടിയാണോ അല്ലയോ എന്നതില്‍ വ്യക്തത വന്നിട്ടില്ല. ഉത്തര്‍പ്രദേശിലെ ഗാസിയാബാദിലാണ് റെയ്‌ന ക്രിക്കറ്റ് പരിശീലനം നടത്തിയത്.
ഈ വാര്‍ത്ത കൂടി വായിക്കൂ
സമകാലിക മലയാളം ഇപ്പോള്‍ വാട്ട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ