ദുബായ്: ഐസിസിയുടെ നവംബര്‍ മാസത്തിലെ മികച്ച പുരുഷ താരത്തിനുള്ള പുരസ്‌കാരം ഇംഗ്ലണ്ട് പരിമിത ഓവര്‍ ക്യാപ്റ്റന്‍ ജോസ് ബട്‌ലര്‍ക്ക്. മികച്ച വനിതാ താരത്തിനുള്ള പുരസ്‌കാരം സിദ്ര അമീന്‍ സ്വന്തമാക്കി. 

ഇംഗ്ലണ്ടിന്റെ തന്നെ ആദില്‍ റഷീദ്, പാകിസ്ഥാന്റെ ഷഹീന്‍ അഫ്രീദി എന്നിവരെ പിന്തള്ളിയാണ് ബട്‌ലര്‍ പുരസ്‌കാരം സ്വന്തമാക്കിയത്. ബാറ്റര്‍ എന്ന നിലയിലും ക്യാപ്റ്റന്‍ എന്ന നിലയിലും ബട്‌ലര്‍ നവംബര്‍ മാസത്തില്‍ ഉജ്ജ്വല പ്രകടനമാണ് പുറത്തെടുത്തത്. 

ഇംഗ്ലണ്ടിനെ രണ്ടാം ടി20 ലോകകപ്പ് നേട്ടത്തിലേക്ക് നയിക്കാന്‍ ബട്‌ലര്‍ക്ക് സാധിച്ചു. ബാറ്ററെന്ന നിലയിലും ബട്‌ലര്‍ ടീമിന്റെ മുന്നോട്ടുള്ള പ്രയാണത്തിന് കരുത്തായി നിന്നു. 

ഇന്ത്യയ്‌ക്കെതിരായ സെമി ഫൈനലില്‍ താരം 49 പന്തുകളില്‍ നിന്ന് 80 റണ്‍സെടുത്തു. പുരസ്‌കാരം നേടിയതില്‍ അഭിമാനമുണ്ടെന്ന് ബട്‌ലര്‍ പ്രതികരിച്ചു.

മികച്ച വനിതാ ാരത്തിനുള്ള പുരസ്‌കാരം നേടിയ സിദ്ര അമീന്‍ അയര്‍ലന്‍ഡിനെതിരായ ഏകദിന പരമ്പരയില്‍ മികച്ച പ്രകടനം പുറത്തെടുത്തിരുന്നു. പരമ്പരയില്‍ 277 റണ്‍സാണ് താരം അടിച്ചെടുത്തത്. ആദ്യ പോരില്‍ പുറത്താകാതെ നേടിയ 176 റണ്‍സാണ് മികച്ച സ്‌കോര്‍. രണ്ടാം പോരില്‍ അമീന്‍ 93 പന്തുകളില്‍ നിന്ന് 91 റണ്‍സും നേടിയിരുന്നു.

ഈ വാര്‍ത്ത കൂടി വായിക്കൂ 

ഇംഗ്ലണ്ടിനോട് തോറ്റു; പാകിസ്ഥാന്റെ ടെസ്റ്റ് ചാമ്പ്യന്‍ഷിപ്പ് ഫൈനല്‍ മോഹവും പൊലിഞ്ഞു; നേട്ടം ഇന്ത്യക്ക്

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ