ലണ്ടൻ: ഇംഗ്ലീഷ് പ്രീമിയര്‍ ലീഗ് കിരീടം നിലനിര്‍ത്തി മാഞ്ചസ്റ്റര്‍ സിറ്റി. സീസണിലെ അവസാന മത്സരത്തിൽ ആസ്റ്റൻ വില്ലയ്ക്കെതിരെ 3–2 ജയത്തോടെയാണ് സിറ്റി കിരീടവും കയ്യിലൊതുക്കിയത്. 75 മിനുട്ട് വരെ രണ്ട് ഗോളിന് പിന്നീട്ട് നിന്ന് ശേഷം മൂന്ന് ഗോളുകള്‍ മടക്കിയാണ് സിറ്റി വിജയത്തിലേക്കെത്തിയത്.

അവസാന 25 മിനിറ്റുകളിലായിരുന്നു സിറ്റിയുടെ 3 ഗോളുകളും പിറന്നത്. ആസ്റ്റന്‍ വില്ലക്കായി 37ാം മിനുട്ടില്‍ മാറ്റി കാഷും 69ാം മിനുട്ടില്‍ ഫിലിപ്പ് കുട്ടീഞ്ഞോയും ഗോള്‍ നേടി. 76ാം മിനുട്ടില്‍ ഗുണ്ടോകന്‍ സിറ്റിക്കായി ആദ്യ ​ഗോൾ നേടി. രണ്ട് മിനുട്ടിനുള്ളില്‍ റോഡ്രി സമനില നേടിക്കൊടുത്തു. 81ാം മിനുട്ടില്‍ ഗുണ്ടോകന്‍ സിറ്റിയുടെ വിജയ ഗോള്‍ നേടുകയായിരുന്നു.

ഇതോടെ ലിവർപൂൾ  വൂൾവ്സിനെ 3–1നു തോൽപിച്ചത് ആഘോഷമില്ലാതെയായി. അവസാന പോയിന്റ് നില ഇങ്ങനെ: മാഞ്ചസ്റ്റർ സിറ്റി– 93 പോയിന്റ്, ലിവർപൂൾ–92 പോയിന്റ്.

ഈ വാര്‍ത്ത കൂടി വായിക്കാം 

ഹൈദരാബാദിനെതിരെ പഞ്ചാബ് കിങ്‌സിന് അഞ്ച് വിക്കറ്റ് ജയം 

സമകാലിക മലയാളം ഇപ്പോള്‍ വാട്ട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ അറിയാന്‍ ക്ലിക്ക് ചെയ്യൂ