ബ്രസീലിനെ പറ്റി എന്തെങ്കിലും പറഞ്ഞിട്ടുണ്ടെങ്കിലറിയാ...ബ്രസീല്‍ പുറത്തായതിന് കളിയാക്കുന്ന അര്‍ജന്റീനിയന്‍ ആരാധകന് നേര്‍ക്ക് വിരല്‍ ചൂണ്ടി വിതുമ്പി നിന്നാണ് അവന്റെ ചോദ്യം. തോറ്റതിന് ബ്രസീലിനെ ആണോ കുറ്റം പറയേണ്ടത്, എന്നെയല്ലേ എന്ന്...
അര്‍ജന്റീന തോറ്റു. പക്ഷേ ഞാന്‍ അര്‍ജന്റീനയെ ഒറ്റ കുറ്റം പോലും പറഞ്ഞിട്ടില്ലാന്നാണ് തന്നെ കളിയാക്കുന്നവരോട് അവന്‍ പറയുന്നത്. ബ്രസീല്‍ തോറ്റതില്‍ മറ്റുള്ളവരില്‍ നിന്നും കുറ്റപ്പെടുത്തല്‍ കേള്‍ക്കേണ്ടി വരുന്നത് ഞാനാണ് എന്ന് പറഞ്ഞ് സൈക്കിളും മറിഞ്ഞിട്ടാണ് കുട്ടി ആരാധകന്റെ പ്രതിഷേധം.
സമൂഹമാധ്യമങ്ങളില്‍ ചിരി പടര്‍ത്തി വീഡിയോ വൈറലാകുന്നതിന് ഇടയില്‍ അവനെ തേടി സിനിമയും എത്തി കഴിഞ്ഞു. ഇവനെ ഒന്ന് തപ്പിയെടുത്ത് തരാമോ എന്ന് ചോദിച്ച് സംവിധായകന്‍ അനീഷ് ഉപാസനയാണ് സമൂഹമാധ്യമങ്ങളുടെ സഹായം തേടിയത്. അദ്ദേഹത്തിന്റെ പുതിയ സിനിമയായ മധുരക്കിനാവിലേക്കാണ് ബ്രസീലിന്റെ ഈ കട്ട ഫാനിന് ക്ഷണം വരുന്നത്.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ