ഫുട്ബോൾ ലോകകപ്പ്
റഷ്യന്‍ ലോകകപ്പ് ഫൈനലിന് നിമിഷങ്ങള്‍ മാത്രം; ക്രൊയേഷ്യന്‍ നിരയില്‍ പെരിസിച് കളിക്കും
മോസ്‌ക്കോ: റഷ്യന്‍ ലോകകപ്പിന്റെ കലാശപ്പോരിന് ഇനി നിമിഷങ്ങള്‍ മാത്രം. കിരീട പോരിനായി ഫ്രാന്‍സും ക്രൊയേഷ്യയും അന്തിമ ഇലവനെ പ്രഖ്യാപിച്ചു കഴിഞ്ഞു. സെമിയില്‍ പരുക്കേറ്റ ക്രൊയേഷ്യന്‍ താരം ഇവാന്‍ പെരിസിച് ഇന്ന് കളത്തിലിറങ്ങും. നേരത്തെ താരത്തിന്റെ ഫൈനലിലെ സാന്നിധ്യം സംശയത്തിലാണെന്ന റിപ്പോര്‍ട്ടുകളുണ്ടായിരുന്നു. സെമിയില്‍ അണിനിരത്തിയ അതേ ടീമിനെ തന്നെ ഇരു ടീമുകളും നിലനിര്‍ത്തി.
ഫ്രാന്‍സ്: ഹ്യൂഗോ ലോറിസ്, പവാര്‍ഡ്, വരാനെ, ഉംറ്റിറ്റി, ഹെര്‍ണാണ്ടസ്, പോള്‍ പോഗ്ബ, എന്‍ഗോളെ കാണ്ടെ, മറ്റിയൂഡി, ഗ്രിസ്മാന്‍, ജിറൂദ്, എംബാപ്പെ.
ക്രൊയേഷ്യ: സുബാസിച്, സാല്‍കോ, സ്ട്രിനിച്, ലോവ്‌റന്‍, വിദ, റാക്കിറ്റിച്, മോഡ്രിച്, ബ്രൊസോവിച്, പെരിസിച്, മാന്‍സുകിച്, റെബിച്.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ