തിരുവനന്തപുരം: ഇടുക്കി കളക്ടര്‍ക്കും സബ് കളക്ടര്‍ക്കുമെതിരെ വീണ്ടും എം.എം.മണി. ഇടുക്കി കളക്ടര്‍ കഴിവുകെട്ടവനാണെന്ന് പറഞ്ഞ മണി, സബ് കളക്ടര്‍ ശ്രീറാം വെങ്കിട്ടരാമന്‍ ചെറ്റയാണെന്നും പറഞ്ഞു.
ഇപ്പോള്‍ സബ് കളക്ടറും മാധ്യമപ്രവര്‍ത്തകര്‍ക്കൊപ്പമാണ് കള്ളുകുടിയെന്നും മന്ത്രി ആരോപിച്ചു. സബ് കളക്ടറെ പിന്തുണച്ച രമേശ് ചെന്നിത്തലയെ ഊളമ്പാറയ്ക്ക് അയക്കണം. വിഡ്ഡികളുടെ സ്വര്‍ഗത്തിലാണ് ചെന്നിത്തല. ചെന്നിത്തലയ്ക്കും ആര്‍എസ്എസ് ബന്ധമുണ്ടെന്ന് സംശയമുണ്ടെന്നും മണി ആരോപിച്ചു.
യുഡിഎഫിന് ഇതിനെ കുറിച്ച് എന്തെങ്കിലും പറയാന്‍ യോഗ്യതയില്ല. നടക്കാന്‍ പാടില്ലാത്തത് നടന്നത് യുഡിഎഫിന്റെ കാലത്ത്. കുരിശ് 64 വര്‍ഷമായി അവിടെ ഉണ്ടായിരുന്നു. ചില കത്തനാര്‍ക്ക് അത് അറിയില്ല. ടോം സക്കറിയയും സഹോദരനും കയ്യേറ്റക്കാരല്ല. കുരിശ് പൊളിച്ചതില്‍ സന്തോഷിക്കുന്നത് വര്‍ഗീയ വാദികള്‍.
മൂന്നാര്‍ ദൗത്യത്തിനിടെ ഗസ്റ്റ് ഹൗസില്‍ കള്ളുകുടിയായിരുന്നു. സുരേഷ് കുമാര്‍ കഞ്ചാവിന് അടിമയെന്നും മണി ആരോപിച്ചു.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ