ഡെല്‍ഹി: ബീഫ് കൈവശം വെച്ചെന്നാരോപിച്ച് ഗോരക്ഷകര്‍ കുത്തി കൊലപ്പെടുത്തിയ ജുനൈദിന്റെ കുടുംബത്തിന് സിപിഎം പത്ത് ലക്ഷം രൂപ ധനസഹായം നല്‍കും. പാര്‍ട്ടി സംസ്ഥാന കമ്മിറ്റിയിലാണ് ജുനൈദിന്റെ കുടുംബത്തിന് ധനഹായം നല്‍കുന്നതുമായി ബന്ധപ്പെട്ട തീരുമാനം കൈക്കൊണ്ടത്.
ജുനൈദിന്റെ കുടുംബം കഴിഞ്ഞ ദിവസം ബൃന്ദ കാരാട്ടിനൊപ്പം മുഖ്യമന്ത്രി പിണറായി വിജയനെ സന്ദര്‍ശിച്ചിരുന്നു. സാമ്പത്തികമായി പിന്നോക്കം നില്‍ക്കുന്ന കുടുംബം വിദ്യാഭ്യാസം ഉള്‍പ്പെടെയുള്ള കാര്യങ്ങള്‍ക്ക് സഹായം അഭ്യര്‍ത്ഥിച്ചിരുന്നു.
പെരുന്നാളിന് വീട്ടിലേക്കുള്ള സാധനങ്ങള്‍ വാങ്ങി ഡെല്‍ഹിയില്‍ നിന്നും ഹരിയാനയിലേക്ക് ട്രെയിനില്‍ മടങ്ങുമ്പോഴാണ് ജുനൈദിനെ ഗോരക്ഷകര്‍ ആക്രമിച്ച് കൊലപ്പെടുത്തിയത്. ജുനൈദിനെയും ഹാഷിം, ഷാക്കിര്‍ എന്നിവരെയും ജനക്കൂട്ടം ആക്രമിക്കുകയായിരുന്നു. 'ഫ് തീനി'കളെന്നും ദേശവിരുദ്ധരെന്നും ആക്രോശിച്ചായിരുന്നു ആക്രമണം.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ