കോഴിക്കോട്: ചീമേനി തുറന്ന ജയിലില്‍ സംഘപരിവാറിന്റെ നേതൃത്വത്തില്‍ നടത്തിയ ഗോപൂജ നിയമലംഘനമാണെന്ന് മുഖ്യമന്ത്രി പിണറായി വിജയന്‍. നിയമം ലംഘിക്കാന്‍ ഉദ്യോഗസ്ഥര്‍ക്ക് അവകാശമില്ലെന്നും മുഖ്യമന്ത്രി വ്യക്തമാക്കി.
ഈശ്വരന്റെ പേരിലായാലും നിയമം ലംഘിക്കാന്‍ ആര്‍ക്കും അവകാശമില്ല. ഈശ്വരനെ ആരാധിക്കേണ്ടവര്‍ക്ക് ആരാധിക്കാം. ഈശ്വരനെ ആരാധിക്കുകയോ ആരാധിക്കാതിരിക്കുകയോ ചെയ്യുന്നത് സര്‍ക്കാരിന്റെ വിഷയമല്ല. ഈശ്വരന്റെ പേരിലായാലും നിയമവാഴ്ച അംഗീകരിക്കുന്നുണ്ടോ എന്നതാണ് സര്‍ക്കാരിന്റെ പ്രശ്‌നമെന്നും മുഖ്യമന്ത്രി വ്യക്തമാക്കി.
ഈശ്വരന്റെ പല രൂപങ്ങള്‍ നമുക്ക് മുന്നിലുണ്ട്. അതിലൊന്നാണ് ചീമേനിയില്‍ പശുവിന്റെ രൂപത്തില്‍ കണ്ടതെന്നും മുഖ്യമന്ത്രി പറഞ്ഞു. ചിമേനി ജയിലിലെ ഫാമിലേക്ക് കാസര്‍ഗോഡ് കുള്ളന്‍ പശുക്കളെ കൈമാറുന്ന ചടങ്ങിനോടനുബന്ധിച്ചാണ് ഗോപൂജ നടന്നത്. ജയില്‍ അധികൃതരുടെ അനുമതി ഇല്ലാതെയായിരുന്നു പൂജ എന്നാണ് ജയില്‍ സൂപ്രണ്ടിന്റെ നിലപാട്.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ