കോട്ടയം: നടി ആക്രമിക്കപ്പെട്ട സംഭവത്തില് ഒരു സിപിഎം നേതാവിനും പങ്കുണ്ടെന്ന് പി.സി.ജോര്ജ് എംഎല്എ. മുകേഷിനെ കൂടാതെ ഒരു സിപിഎം നേതാവിന് കൂടി പങ്കുണ്ടെന്ന ആരോപണമാണ് പി.സി.ജോര്ജ് ഉന്നയിച്ചിരിക്കുന്നത്.
നടി ആക്രമിക്കപ്പെട്ട സംഭവത്തില് മുകേഷിന് പങ്കുണ്ടോ എന്ന് തനിക്ക് ശക്തമായ സംശയം ഉണ്ട്. എന്നാല് കേസില് ദിലീപ് തെറ്റുകാരന് അല്ലെന്ന് താന് പറഞ്ഞിട്ടില്ലെന്നും പി.സി.ജോര്ജ് പറഞ്ഞു. പ്രധാന പ്രശ്നങ്ങളില് നിന്നും ശ്രദ്ധ തിരിച്ചുവിടുന്നതിനുള്ള ആസൂത്രിത ശ്രമമാണ് ദിലീപിന്റെ അറസ്റ്റിന് പിന്നിലെന്നാണ് താന് പറഞ്ഞത്.
ദിലീപ് കുറ്റക്കാരനാണെന്ന് ഇപ്പോഴും വിശ്വസിക്കുന്നില്ല. നടി ആക്രമിക്കപ്പെട്ട കേസ് സിബിഐ അന്വേഷിക്കണം. ഇതിന് മുന്പ് നടിമാര്ക്ക് നേരെ അതിക്രമം ഉണ്ടായിട്ടും താരസംഘടനയായ അമ്മയും, സര്ക്കാരും ഒന്നും ചെയ്തില്ലെന്നും പി.സി.ജോര്ജ് പറഞ്ഞു.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ