കെഎം മാണിയെ യുഡിഎഫിലേക്ക് ക്ഷണിച്ചു കൊണ്ടുള്ള കോണ്ഗ്രസ് നേതാക്കളുടെ നിലപാട് തള്ളി പിടി തോമസ് എംഎല്എ. മാണിയെ തിരിച്ചെടുക്കേണ്ടത് സംബന്ധിച്ച് തീരുമാനമെടുക്കേണ്ടത് യുഡിഎഫ് യോഗം ചേര്ന്നാണ്. കുഞ്ഞാലിക്കുട്ടിക്ക് മാണി കൊടുത്ത പിന്തുണ വ്യക്തിപരമായി കണ്ടാല് മതിയെന്ന് പിടി തോമസ് പറഞ്ഞു.
കെഎം മാണിക്ക് യുഡിഎഫ് വിട്ടു പോകണം എന്ന് തോന്നിയ സാഹചര്യം മാറിയിട്ടുണ്ടോ,അങ്ങനെ മാറിയെങ്കില് യുഡിഎഫിന്റെ യോഗം കൂടി തീരുമാനിക്കും.അത് ആരെങ്കിലും ഒരാളോ രണ്ടാളോ തീരുമാനിക്കേണ്ട കാര്യമല്ല. പിടി തോമസ് പറഞ്ഞു. മാണി മുന്നണിയിലേക്ക് തിരികെ വരണമെന്ന് രമേശ് ചെന്നിത്തലയും ഉമ്മന്ചാണ്ടിയും നിരന്തരം ആവശ്യപ്പെടുന്നതിന് ഇടയിലാണ് കോണ്ഗ്രസിനെ പ്രമുഖ നേതാവായ പി.ടി തോമസ് മാണിക്കെതിരെ രംഗത്തെത്തിയിത്.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ