കണ്ണൂര്‍: കണ്ണൂര്‍ ജില്ലയിലെ കനകമലയില്‍ രഹസ്യയോഗം ചേര്‍ന്ന് ഗൂഡാലോചന നടത്തിയ കേസില്‍ ഏഴ് പേര്‍ക്കെതിരെ എന്‍ഐഎ കുറ്റപത്രം സമര്‍പ്പിച്ചു. രാജ്യത്തിനെതിരെ യുദ്ധം ചെയ്യാനും വിദേശികളെ ഉള്‍പ്പടെ അപായപ്പെടുത്താനും ഗൂഢാലോചന നടത്തിയെന്ന് കുറ്റപത്രത്തില്‍ പറയുന്നു. മന്‍സീദ് മുഹമ്മദ്, റഷീദ് അലി, റംഷാദ്, ജാസിം, സജീര്‍, സഫ്വാന്‍ എന്നിവരാണ് കുറ്റപത്രത്തിലുള്ളത്. കേസില്‍ അഞ്ചാം പ്രതിയെ മാപ്പുസാക്ഷിയാക്കിയിട്ടുണ്ട്.
2016 ആഗസ്തിലാണ് കനകമലയില്‍ രഹസ്യയോഗം ചേരുന്നതിനിടെ ഇവര്‍ പിടിയിലായത്. സുഹൃത്തുക്കളെയും ഇവര്‍ സംഘടനയില്‍ ചേര്‍ക്കാന്‍ ശ്രമിച്ചെന്നും ഇവരുടെ കൈവശം സ്‌ഫോടകവസ്തുക്കളും പണവും ഉണ്ടെന്നും എ്ന്‍ഐഎ കണ്ടെത്തിയിരുന്നു.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ