തിരുവനന്തപുരം: തോമസ് ചാണ്ടി രാജിവെച്ചതിനെ തുടര്‍ന്ന് ഒഴിഞ്ഞു കിടക്കുന്ന എന്‍സിപിയുടെ മന്ത്രി സ്ഥാനത്തേക്ക് ആര് വരും എന്നത് സംബന്ധിച്ച ചര്‍ച്ചകളൊന്നും നടന്നിട്ടില്ലെന്ന് എ.കെ.ശശീന്ദ്രന്‍. അശുഭ ചിന്തകള്‍ വേണ്ടതെന്നും, പാര്‍ട്ടി മന്ത്രിയാവാന്‍ പറഞ്ഞാല്‍ അനുസരിക്കുമെന്നും ശശീന്ദ്രന്‍ പറഞ്ഞു.
ജസ്റ്റിസ് ആന്റണി കമ്മിഷന്‍, വിവാദ ഫോണ്‍ കോള്‍ കേസിലെ അന്വേഷണ റിപ്പോര്‍ട്ട് മുഖ്യമന്ത്രിക്ക് സമര്‍പ്പിച്ചതിന് പിന്നാലെയായിരുന്നു ശശീന്ദ്രന്റെ പ്രതികരണം. മന്ത്രിസ്ഥാനത്തെ കുറിച്ച് ചര്‍ച്ച ചെയ്യേണ്ടത് എന്‍സിപിയും ഇടതു പക്ഷവുമാണ്. പാര്‍ട്ടി എടുക്കുന്ന തീരുമാനങ്ങള്‍ അനുസരിക്കാത്തവരെ പാര്‍ട്ടി പ്രവര്‍ത്തകരെന്ന് പറയാന്‍ സാധിക്കില്ലെന്നും ശശീന്ദ്രന്‍ പറഞ്ഞു.
കേസ് കോടതിക്ക് പുറത്ത് ഒത്തുതീര്‍പ്പായെന്നും, തനിക്കെതിരായ പരാതി പിന്‍വലിക്കാന്‍ തയ്യാറാണെന്ന് യുവതി തന്നെ വ്യക്തമാക്കിയിട്ടുള്ളതാണെന്നും ശശീന്ദ്രന്‍ പറഞ്ഞു.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ