കോഴിക്കോട്: രാജ്യസഭ എംപി സ്ഥാനം രാജിവയ്ക്കാന്‍ തീരുമാനിച്ച എം.പി വീേേരാന്ദ്രകുമാറിനെ എല്‍ഡിഎഫിലേക്ക് ക്ഷണിച്ച് സിപിഎം-സിപിഐ സംസ്ഥാന സെക്രട്ടറിമാര്‍. യുഡിഎഫിന്റെ പടയൊരുക്കം ജാഥ കഴിയുന്നതിന് മുമ്പേ അവരുടെ ഒരു രാജ്യസഭ എംപി രാജി വയ്ക്കാന്‍ പോകുന്നത് മുന്നണിക്കുള്ളിലെ ചേരിപ്പോരിന്റെയും പൊട്ടിത്തെറിയുടെയും ഫലമാണെന്ന് സിപിഎം സംസ്ഥാന സെക്രട്ടറി കോടിയേരി ബാലകൃഷ്ണന്‍. വീരേന്ദ്രകുമാര്‍ പുനര്‍ വിചിന്തനം നടത്തി തിരിച്ചു വരണം. എല്‍ഡിഎഫിന്റെ വാതില്‍ അടച്ചിട്ടില്ല, അദ്ദേഹം പറഞ്ഞു.
ജെഡിയുവിന്റെ ബിജെപി ബന്ധത്തിന്റെ പേരില്‍ എംപി സ്ഥാനം രാജിവയ്ക്കാന്‍ എടുത്ത തീരുമാനം സിപിഎം സ്വാഗതം ചെയ്യുന്നു. എല്‍ഡിഎഫ് വിട്ടു പോയ ആര്‍എസ്പിയും ജനതാദള്‍ വീരേന്ദ്ര വിഭാഗവും തിരിച്ചു വരണമെന്നു സിപിഎം നേരത്തെ ആവശ്യപ്പെട്ടതാണ്. വീരേന്ദ്രകുമാര്‍ തീരുമാനം പ്രഖ്യാപിച്ചു കഴിഞ്ഞാല്‍ തുടര്‍ നടപടികളിലേക്കു സിപിഎം കടക്കുമെന്നും അദ്ദേഹം പറഞ്ഞു.
വീരേന്ദ്രകുമാര്‍ മടങ്ങിവരുന്നതിനെ സ്വാഗതം ചെയ്യുന്നുവെന്ന് സിപിഐ സംസ്ഥാന സെക്രട്ടറി കാനം രാജേന്ദ്രനും പറഞ്ഞു.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ