കോട്ടയം: വീട്ടുതടങ്കലില്‍ കഴിയുന്ന ഹാദിയയുടെ മനുഷ്യാവകാശം സംബന്ധിച്ച് മനുഷ്യാവകാശ കമ്മീഷന്‍ സിറ്റിങ് ഇന്ന് കോട്ടയത്ത് നടക്കും. സുപ്രീം കോടതിയുടെയും ഹൈക്കോടതിയുടെയും ഉത്തരവുകള്‍ മാനിക്കാതെ എല്ലാ മനുഷ്യാവകാശങ്ങളും ലംഘിച്ച് ഹാദിയയെ വീട്ടുതടങ്കലിലാക്കി എന്നാണ് ഈ പരാതികള്‍ പറയുന്നത്.
കോട്ടയം പൊതുമരാമത്ത് റസ്റ്റ് ഹൗസില്‍ മനുഷ്യാവകാശ കമ്മീഷന്‍ അംഗം കെ മോഹന്‍ കുമാര്‍ ആണ് സിറ്റിങ് നടത്തുന്നത്. സുപ്രീംകോടതിയുടെ പരിഗണനയിലിരിക്കുന്ന കേസ് ആയതിനാല്‍ ഇതില്‍ മനുഷ്യാവകാശ ലംഘനങ്ങള്‍ ഉണ്ടാകരുതെന്നും മോഹന്‍ദാസ് നിരീക്ഷിച്ചിരുന്നു. യൂത്ത് ലീഗ് സംസ്ഥാന പ്രസിഡന്റ് ഉള്‍പ്പെടെയുള്ളവര്‍ ഹാദിയയുടെ മനുഷ്യാവകാശലംഘനം സംബന്ധിച്ച് പരാതി നല്‍കിയിരുന്നു.
വൈക്കം സ്വദേശിയായ ഹിന്ദു പെണ്‍കുട്ടി 2013ലാണ് ഇസ്ലാം മതം സ്വീകരിച്ച് ഹാദിയയായത്. താന്‍ തിരഞ്ഞെടുത്ത വിശ്വാസവുമായി വീട്ടില്‍ കഴിയാനാവില്ല എന്ന് ഉറപ്പായതോടെ 2016ല്‍ വീടുവിട്ട് ഇറങ്ങുകയായിരുന്നു. ഇതേ തുടന്ന് ഹാദിയയുടെ പിതാവ് ഹേബിയസ് കോര്‍പസ് നല്‍കുകയായിരുന്നു. 2016ല്‍ ഷെഫിന്‍ ജഹാന്‍ എന്ന യുവാവിനെ ഹാദിയ വിവാഹം കഴിക്കുന്നത്. പിന്നീടങ്ങോട്ട് ഹാദിയ വീട്ടുതടങ്കലില്‍ കഴിയുകയാണ്.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ