കൊച്ചി: ഇടമലയാര്‍ ഡാമിന്റെ ജലനിരപ്പ് പരമാവധി സംഭരണശേഷി കടന്നു. 169 മീറ്ററാണ് പരമാവധി ജലസംഭരണശേഷി. നിലവില്‍ 169.02 മീറ്റര്‍ വെള്ളമാണ് ഡാമിലുള്ളത്.
ജലനിരപ്പുയര്‍ന്നതോടെ തുറന്നുവിടുന്നതിന്റെ അളവ് വര്‍ധിപ്പിക്കും. 50 സെന്റീമീറ്റര്‍ വീതമായിരുന്നു പുറത്തുവിട്ടത്. ഇത് 60 സെന്റിമീറ്ററാക്കാനാണ് നിലവിലെ തീരുമാനം. പെരിയാറിന്റെ സമീപത്തുള്ളവര്‍ ജാഗ്രത പാലിക്കണമെന്ന് മുന്നറിയിപ്പ് നല്‍കിയിട്ടുണ്ട്
ഭൂതത്താന്‍ കെട്ടിലെയും ജലനിരപ്പില്‍ ഗണ്യമായ വര്‍ധനയുണ്ടായിട്ടുണ്ട്. തുറന്നവിടുന്ന ജലത്തിന്റെ അളവ് വര്‍ധിപ്പിക്കും. ഇടുക്കി ഡാമിന്റെ മുഴുവന്‍ ഷട്ടറുകളും തുറന്നതോടെ പെരിയാറിലെ ജലനിരപ്പുയര്‍ന്നിട്ടുണ്ട്‌
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ