ചെങ്ങന്നൂര്‍ : പ്രളയക്കെടുതിയില്‍ ഇന്ന് രാത്രിയില്‍ സഹായം കിട്ടിയില്ലെങ്കില്‍ പതിനായിരങ്ങള്‍ മരിച്ച് വീഴുമെന്ന് ചെങ്ങന്നൂര്‍ എംഎല്‍എ സജി ചെറിയാന്‍. അതിഭീതിതമായ സ്ഥിതിയാണ് ചെങ്ങന്നൂരിലേത്. ദയവ് ചെയ്ത് ഞങ്ങള്‍ക്കൊരു ഹെലികോപ്ടര്‍ താ.. ഞാന്‍ കാലു പിടിച്ച് പറയാം. ഞങ്ങളെ ഒന്ന് സഹായിക്കൂ, എന്റെ നാട്ടുകാര്‍ മരിച്ചു പോകും. എന്റെ നാട്ടിലെ അന്‍പതിനായിരം പേര് മരിച്ചു പോകും. ഞങ്ങളെ ഒന്ന് സഹായിക്ക്. എയര്‍ലിഫ്റ്റിംഗ് അല്ലാതെ ഇവിടെ മറ്റൊരു വഴിയില്ലെന്ന് സജി ചെറിയാന്‍ പറഞ്ഞു.
രാഷ്ട്രീയ ഇടപെടല്‍ കൊണ്ട് മത്സ്യബന്ധന വള്ളങ്ങള്‍ കൊണ്ട് വന്ന് ഞങ്ങള്‍ ആവുന്നത് ചെയ്യുകയാണ്. അതില്‍ കൂടുതലൊന്നും ചെയ്യാനാവുന്നില്ല. എന്റെ വണ്ടിയടക്കം നിലയില്ലാ വെള്ളത്തില്‍ കിടക്കുകയാണ്. ഇവിടെ പട്ടാളമിറങ്ങണം. ഞങ്ങള്‍ മരിച്ചു പോകും. ഞങ്ങളെ സഹായിക്ക്. .. പ്ലീസ് .. പ്ലീസ്.. പ്ലീസ് എന്നായിരുന്നു എംഎല്‍എയുടെ വാക്കുകള്‍.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ