കൊച്ചി: പ്രളയദുരിതം നേരിടുന്ന കേരളത്തെ പുനര്‍നിര്‍മ്മിക്കാന്‍ കേന്ദ്രം കൂടുതല്‍ ധനസഹായം നല്‍കണമെന്ന് കോണ്‍ഗ്രസ് അധ്യക്ഷന്‍ രാഹുല്‍ ഗാന്ധി. അത് ജനങ്ങളുടെ അവകാശമാണ്. നിലവില്‍ ആവശ്യത്തിന് ധനസഹായം അനുവദിക്കാത്ത കേന്ദ്രത്തിന്റെ നടപടി നിരാശപ്പെടുത്തുന്നതാണ്. ദുരിതാശ്വാസത്തിനായി വിവിധ തലങ്ങളില്‍ നിന്നും വാഗ്ദാനം ചെയ്തിരിക്കുന്ന സാമ്പത്തിക സഹായം സ്വീകരിക്കുന്നതില്‍ തെറ്റില്ല. ഉപാധികളില്ലാത്ത സാമ്പത്തിക സഹായം സ്വീകരിക്കാവുന്നതാണെന്നും രാഹുല്‍ മാധ്യമങ്ങളോട് പറഞ്ഞു.
പ്രളയദുരിതത്തില്‍ രക്ഷാദൗത്യത്തിനായി ഒറ്റക്കെട്ടായി നിന്ന കേരളജനതയെ കുറിച്ച് ഓര്‍ത്ത് താന്‍ അഭിമാനിക്കുന്നതായും രാഹുല്‍ ഗാന്ധി പറഞ്ഞു. അതേസമയം മോശം കാലാവസ്ഥയെ തുടര്‍ന്ന് കോണ്‍ഗ്രസ് അധ്യക്ഷന്‍ രാഹുല്‍ ഗാന്ധിയുടെ വയനാട് സന്ദര്‍ശനം റദ്ദാക്കി. കൊച്ചിയില്‍ സന്ദര്‍ശനം നടത്തിയശേഷം രാഹുല്‍ ഗാന്ധി ഇടുക്കിയിലേക്ക് പോകും.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ