തിരുവനന്തപുരം : സംസ്ഥാനത്ത് ഈ വര്‍ഷം നവംബര്‍ വരെ എലിപ്പനി ബാധിച്ച് മരിച്ചത് 92 പേര്‍. അതില്‍ 56 മരണങ്ങളും ഓഗസ്റ്റിലെ മഹാപ്രളയത്തിനു ശേഷമാണെന്ന് ആരോഗ്യവകുപ്പിന്റെ കണക്കുകള്‍ വ്യക്തമാക്കുന്നു. പ്രളയാനന്തരം പകര്‍ച്ചവ്യാധി തടയാന്‍ ശുചീകരണവും ക്ലോറിനേഷനും പ്രതിരോധ ചികിത്സയുമുള്‍പ്പെടെ നടപടികളെടുത്തതായി അധികൃതര്‍ അറിയിച്ചിരുന്നു.

എലിപ്പനി മൂലം കൂടുതല്‍ മരണം കൊല്ലത്താണ്. 16 പേരാണ് മരിച്ചത്. എച്ച്1എന്‍1 മൂലം സംസ്ഥാനത്ത് 35 പേര്‍ മരിച്ചതായും കണക്കുകള്‍ വ്യക്തമാക്കുന്നു. ഡെങ്കിപ്പനി മൂലം 32 പേരാണ് മരിച്ചത്.