തൃശൂര്‍: 2016ലെ കേരള സാഹിത്യ അക്കാദമി അവാര്‍ഡുകള്‍ പ്രഖ്യാപിച്ചു. സമഗ്രസംഭാവനയക്കുള്ള പുരസ്‌കാരം ഇയ്യങ്കോട് ശ്രീധരന്‍, സിആര്‍ ഓമനക്കുട്ടന്‍, ലളിതാ ലെനിന്‍, ജോസ് പുന്നാപറമ്പില്‍, പികെ പാറക്കടവ്, പുയപ്പിള്ളി തങ്കപ്പന്‍ എന്നിവര്‍ക്കാണ്. മുപ്പതിനായിരം രൂപയും സാക്ഷ്യപത്രവും പൊന്നാടയും ഫലകവുമാണ് പുരസ്‌കാരം.
കവിത: സാവിത്രി രാജീവന്‍ ( അമ്മയെ കുളിപ്പിക്കുമ്പോള്‍) നോവല്‍: ടിഡി രാമകൃഷ്ണന്‍ (സുഗന്ധി എന്ന ആണ്ടാള്‍ ദേവനായകി) ചെറുകഥ: എസ് ഹരീഷ് (ആദം) നാടകം: ലല്ല ( ഡോ. സാംകുട്ടി പട്ടംകരി) സാഹിത്യവിമര്‍ശനംം: എസ് സുധീഷ് ( ആശാന്‍ കവിത- സത്രീ പുരുഷ സമവാക്യങ്ങളിലെ കലാപം) വൈജ്ഞാനിക സാഹിത്യം: ഫാ. വിപി ജോസഫ് വലിയ വീട്ടില്‍ ( ചവിട്ടുനാടക വിജ്ഞാനകോശം) ജീവചരിത്രം/ ആത്മകഥ: ഡോ. ചന്തവിള മുരളി (എകെജി ഒരു സമഗ്രജീവചരിത്രം) യാത്രാവിവരണം: ഡോ. ഹരികൃഷ്ണന്‍ ( നൈല്‍വഴികള്‍) വിവര്‍ത്തനം: സിഎം രാജന്‍ (പ്രണയവും മൂലധനവും) ബാലസാഹിത്യം: കെടി ബാബുരാജ് ( സാമൂഹ്യപാഠം) ഹാസസാഹിത്യം: ചിലനാട്ടുകാര്യങ്ങള്‍ ( മുരളി തുമ്മാരുകുടി)
എന്‍ഡോവ് മെന്റ് പുരസ്‌കാരങ്ങള്‍
ഐസി ചാക്കോ അവാര്‍ഡ്: ഡോ. പിഎ അബൂബക്കര്‍ ( വടക്കന്‍ മലയാളം) സിബി കുമാര്‍ അവാര്‍ഡ്: രവി മേനോന്‍ ( പൂര്‍ണേന്ദുമുഖി) കെ ആര്‍ നമ്പൂതിരി അവാര്‍ഡ്: ഡോ. കെപി ശ്രീദേവി( നിരുക്തമെന്ന വേദാംഗം) കനകശ്രീ അവാര്‍ഡ്: ആര്യാ ഗോപി ( അവസാനത്തെ മനുഷ്യന്‍), രശ്മി ബിനോയ് ( തിരികെ നീ വരുമ്പോള്‍) ഗീതാ ഹിരണ്യന്‍ അവാര്‍ഡ്: സുനില്‍ ഉപാസന ( ചെറുകഥാ പുരസ്‌കാരം) ജിഎന്‍ പിള്ള അവാര്‍ഡ്: രവിചന്ദ്രന്‍ സി ( ബുദ്ധനെ എറിഞ്ഞ കല്ല്, ഭഗവദ്ഗീതുയടെ ഭാവാന്തരങ്ങള്‍) തുഞ്ചന്‍ സ്മാരക പ്രബന്ധമത്സരം: സിസ്റ്റര്‍ അനു ഡേവിസ് എന്നിവര്‍ക്കാണ് പുരസ്‌കാരങ്ങള്‍. കേരള സാഹിത്യ അക്കാദമി പ്രസിഡന്റ് വൈശാഖന്റെ അദ്ധ്യക്ഷതയില്‍ ചേര്‍ന്ന ജനറല്‍ കൗണ്‍സിലാണ് അവാര്‍ഡുകള്‍ തീരുമാനിച്ചത്.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ