കൊച്ചി: ഫെയ്‌സ്ബുക്കില്‍ ജീവിക്കുന്ന ജീവിയായ വിടി ബല്‍റാമിനെ കല്ലു കൊണ്ട് എറിയുന്നത് മോശം ആശയമാണെന്ന് എഴുത്തുകാരന്‍ എന്‍എസ് മാധവന്‍. ബല്‍റാം പറഞ്ഞതിന് സൈബര്‍ സങ്കേതങ്ങള്‍ ഉപയോഗിച്ച് കഴിയും വിധമെല്ലാം ആക്രമിക്കുകയാണ് വേണ്ടതെന്ന് എന്‍എസ് മാധവന്‍ അഭിപ്രായപ്പെട്ടു.
ബല്‍റാമിനെ കല്ലേറിയുക എന്നത് ഒരു മോശം കാര്യമാണ്, അതൊരു ഭീകരമായ കാര്യം പോലുമാണ്. അത് അപലപിക്കപ്പെടേണ്ട ക്രിമിനല്‍ പ്രവര്‍ത്തനമാണ്. ബല്‍റാം പറഞ്ഞതിന് കഴിയും വിധത്തിലുള്ള ആക്രമണം അയാള്‍ക്കെതിരെ നടത്തണം, എന്നാല്‍ അതു ചെയ്യേണ്ടത് കീബോര്‍ഡില്‍ വിരല്‍ ഉപയോഗിച്ചുകൊണ്ടാണ്. കാരണം ബല്‍റാം ഒരു ഫെയ്‌സ്ബുക്ക് ജീവിയാണ്- എന്‍എസ് മാധവന്‍ ട്വിറ്ററില്‍ കുറിച്ചു.
എകെജിക്കെതിരെ ബല്‍റാം നടത്തിയ പരാമര്‍ശത്തിനെതിരെ നേരത്തെയും മാധവന്‍ അഭിപ്രായ പ്രകടനം നടത്തിയിരുന്നു. എന്തു പുകച്ചുകൊണ്ടാണ് ബല്‍റാം ഇത്തരത്തില്‍ അഭിപ്രായ പ്രകടനം നടത്തുന്നത് എന്നായിരുന്നു എന്‍എസ് മാധവന്റെ ചോദ്യം. ഒന്നുകില്‍ വികൃത മനസിന്റെ പ്രതിഫലം, അല്ലെങ്കില്‍ പേരെടുക്കാനുള്ള ശ്രമം. ഇതില്‍ ഏതെങ്കിലും ഒന്നായിരിക്കും ബല്‍റാമിന്റേത എന്നായിരുന്നു മാധവന്‍ അഭിപ്രായപ്പെട്ടത്.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ