തിരുവനന്തപുരം: കെഎം മാണിയുടെ ബജറ്റ് സമ്മേളനത്തിനിടെ നിയമസഭയില്‍ നടന്ന കയ്യാങ്കളി കേസ് അവസാനിപ്പിക്കാന്‍ സര്‍ക്കാര്‍ നീക്കം. കേസ് പിന്‍വലിക്കണമെന്നാവശ്യപ്പെട്ട് വി ശിവന്‍കുട്ടി മുഖ്യമന്ത്രി പിണറായി വിജയന് അപേക്ഷ നല്‍കിയതിന് പിന്നാലെയാണ് സര്‍ക്കാരിന്റെ നീക്കം.
അപേക്ഷ നിയമവകുപ്പിന് കൈമാറിയിട്ടുണ്ട. രണ്ടുലക്ഷം രൂപയുടെ പൊതുമുതല്‍ നശിപ്പിച്ചെന്നാണ് കേസ്. ആറ് സിപിഎം നേതാക്കളായിരുന്നു കേസിലെ പ്രതികള്‍. കെ കുഞ്ഞമ്മദ് മാസ്റ്റര്‍, അജിത്, വി ശിവന്‍കുട്ടി, സികെ സദാശിവന്‍, കെടി ജലീല്‍ ഇപി ജയരാജന്‍ തുടങ്ങിയ ആറ് പേരാണ് കേസിലെ പ്രതികള്‍
ബാര്‍ കോഴക്കേസില്‍ ആരോപണവിധേയനായ മുന്‍ ധനമന്ത്രി കെ.എം. മാണി ബജറ്റ് അവതരിപ്പിക്കുന്നത് തടയാന്‍ ശ്രമിച്ച ഇവര്‍ രണ്ട് ലക്ഷം രൂപയുടെ പൊതുമുതല്‍ നശിപ്പിച്ചുവെന്നാണ് െ്രെകംബ്രാഞ്ച് എഫ്.ഐ.ആറില്‍ പറഞ്ഞിരിക്കുന്നത്.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ