കൊച്ചി: നെടുമ്പാശേരിയില്‍ വന്‍ വിദേശ കറന്‍സി വേട്ട. 11 കോടിയുടെ വിദേശ കറന്‍സി പിടിച്ചെടുത്തു. ഡല്‍ഹി-ദുബായി വിമാനത്തില്‍ നിന്നാണ് കസ്റ്റംസ് വിദേശ കറന്‍സി ശേഖരം പിടികൂടിയത്.
അഫ്ഗാനിസ്ഥാന്‍ പൗരന്റെ പക്കല്‍ നിന്നാണ് ലക്ഷങ്ങളുടെ വിദേശ കറന്‍സി പിടിച്ചെടുത്തിരിക്കുന്നത്. ദുബായിലേക്ക് പോകുന്നതിനായണ് ഇയാള്‍ ദില്ലിയില്‍ നിന്നു കൊച്ചിയിലേക്ക് എത്തിയത്.ഇയാളെ വിശദമായി ചോദ്യം ചെയ്തു വരികയാണ്.
കസ്റ്റംസ് കമ്മിഷണറുടേയും സിയാല്‍ അധികൃതരുടേയും നടപടിയെ തുടര്‍ന്നാണ് വിദേശ കറന്‍സി ശേഖരം പിടിച്ചെടുക്കാനായത്. സൗദി ദിര്‍ഹവും അമേരിക്കന്‍ ഡോളറും ഉള്‍പ്പെടുന്നതാണ് പിടിച്ചെടുത്ത വിദേശ കറന്‍സി ശേഖരം.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ