മൂന്നാര്‍: ബക്കറ്റിലെ തിളച്ച വെളളത്തില്‍ വീണ് ആശുപത്രിയില്‍ ചികിത്സയിലായിരുന്ന ബാലിക മരിച്ചു. ദേവികുളം ഇരച്ചില്‍പ്പാറ സ്വദേശി അമല്‍ - ശകുന്തള ദേവി ദമ്പതികളുടെ മകള്‍ അനന്യ(6) ആണ് മരിച്ചത്. 17നായിരുന്നു അപകടം.
കുളിക്കാന്‍ ബക്കറ്റില്‍ കരുതിയിരുന്ന തിളച്ച വെളളത്തില്‍ വീഴുകയായിരുന്നു. ഉടന്‍ മൂന്നാര്‍ ടാറ്റാ ഹൈറേഞ്ച് ആശുപത്രിയില്‍ എത്തിച്ചു. 35 ശതമാനം പൊളളലേറ്റ കുട്ടിയെ വിദഗ്ധ ചികിത്സക്കായി കൊണ്ടുപോകണമെന്ന് 19ന് ആശുപത്രി അധികൃതര്‍ അറിയിച്ചെങ്കിലും ഇത് കൂട്ടാക്കാതെ കുട്ടിയുമായി വീട്ടിലേക്ക് മടങ്ങി. ബുധനാഴ്ച രാത്രിയോടെ കുട്ടി മരിച്ചു. ദേവികുളം എസ്‌ഐ കെ ദിലീപ് കുമാറിന്റെ നേതൃത്വത്തില്‍ ഇന്‍ക്വസ്റ്റ് നടത്തിയശേഷം മൃതദേഹം പോസ്റ്റ്‌മോര്‍ട്ടത്തിനായി കോട്ടയം മെഡിക്കല്‍ കോളേജ് ആശുപത്രിയിലേക്ക് മാറ്റി.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ