തിരുവനന്തപുരം: മറ്റുളളവര്‍ക്ക് മാതൃക കാട്ടേണ്ടവരാണ് പുരോഹിത സമൂഹമെന്ന് മുഖ്യമന്ത്രി പിണറായി വിജയന്‍. തങ്ങളുടെ മതമാണ് ശരിയെന്ന് പഠിപ്പിക്കുക മാത്രമല്ല, മറ്റുള്ളവരുടെ മതം തെറ്റാണെന്ന വെറുപ്പിന്റെ തത്വശാസ്ത്രം വ്യാപിപ്പിക്കുന്ന പ്രവണതയാണ് നമ്മുടെ നാട്ടില്‍ കൂടി വരുന്നതെന്നും മുഖ്യമന്ത്രി പറഞ്ഞു. 

തിരുവനന്തപുരം കണ്ണമ്മൂല കെയുടി സെമിനാരിയുടെ പ്ലാറ്റിനം ജൂബിലി സമാപന സമ്മേളനം ഉദ്ഘാടനം ചെയ്തായിരുന്നു മുഖ്യമന്ത്രിയുടെ വാക്കുകള്‍. വെറുപ്പിന്റെ തത്വശാസ്ത്രം വ്യാപിപ്പിക്കുന്ന ശ്രമങ്ങള്‍ക്കെതിരെ നമ്മള്‍ ജാഗ്രത പാലിക്കണം. കേരളത്തിന്റെ വിദ്യാഭ്യാസ ആരോഗ്യ രംഗത്ത് ക്രൈസ്തവ സമൂഹം നല്‍കിയ സംഭാവന നാടിന്റെ ചരിത്രത്തോടൊപ്പം ചേര്‍ത്ത വായിക്കേണ്ടതാണെന്നും മുഖ്യമന്ത്രി പറഞ്ഞു.