തിരുവനന്തപുരം: കേരളത്തില്‍ ജാതി,മത രഹിത സമൂഹത്തിലേക്ക് നിര്‍ണായക പരിണാമം. 2017-18 അധ്യായന വര്‍ഷത്തില്‍ സംസ്ഥാനത്തെ സ്‌കൂളുകളില്‍ ജാതി,മതം എന്നിവയ്ക്കുള്ള കോളങ്ങള്‍ പൂരിപ്പിക്കാതെ 1,24,147 കുട്ടികള്‍ പഠിക്കുന്നുണ്ടെന്ന് സര്‍ക്കാര്‍ കണക്ക്. നിയമസഭയില്‍ ഡി.കെ മുരളി നല്‍കിയ ചോദ്യത്തിന് മറുപടിയായി വിദ്യാഭ്യാസ മന്ത്രി സി.രവീന്ദ്രനാഥാണ് ഇക്കാര്യം വ്യക്തമാക്കിയിരിക്കുന്നത്. 

ഒന്നുമുതല്‍ പത്തുവരെ 1,23,630 കുട്ടികളും ഹയര്‍ സെക്കന്ററി ഒന്നാ വര്‍ഷത്തില്‍ 278കുട്ടികളും രണ്ടാം വര്‍ഷം 239കുട്ടികലും ജാതി,മത കോളങ്ങള്‍ പൂരിപ്പിക്കാതെ പ്രവേശനം നേടിയിട്ടുണ്ട്. 

ജാതി വെറി ഇല്ലാതെ ജീവിക്കുക എന്ന ഉദ്ദേശത്തോടെ നമുക്ക് ജാതിയില്ല എന്ന പേരില്‍ സര്‍ക്കാര്‍ ബോധവത്കരണ പരിപാടികള്‍ സംഘടിപ്പിച്ചിരുന്നു. ജാതിവിരുദ്ധ നിലപാടുകള്‍ സൂക്ഷിക്കുന്ന ഒരു വലിയവിഭാഗം കേരളത്തിലുണ്ടെന്ന് തെളിയിക്കുന്നതാണ് സ്‌കൂളുകളില്‍ ജാതി,മത കോളങ്ങള്‍ പൂപിപ്പിക്കാതെയുള്ള വിദ്യാര്‍ത്ഥികളുടെ പ്രവേശനം സൂചിപ്പിക്കുന്നത്.