പാലക്കാട്: പുതുപ്പരിയാരത്ത് എൺപതുകാരിക്ക് മരുമകളുടെ ക്രൂര മർദ്ദനം. പുതുപ്പരിയാരം സ്വദേശി സരോജിനിയെയാണ് മരുമകൾ മുഖത്ത് ചെരുപ്പ് കൊണ്ടടിച്ചത്. സരോജിനിയുടെ മുഖത്തും ശരീരത്തും മരുമകൾ ശ്രീമതി ചെരുപ്പുകൊണ്ട് പല തവണ അടിക്കുന്നതിന്റെ ദൃശ്യങ്ങൾ പുറത്ത് വന്നിട്ടുണ്ട്.

പറഞ്ഞത് അനുസരിക്കാത്തതിനാണ് മർദ്ദനമെന്നാണ് ശ്രീമതി പറയുന്നത്. സരോജിനിയുടെ പേരിലുണ്ടായിരുന്ന വീടും സ്ഥലവും മകൻ ഭാസ്‌കരന്റെ പേരിലേക്ക് നേരത്തെ മാറ്റിയിരുന്നു. സരോജിനിക്ക് പ്രേമയെന്ന മറ്റൊരു മകളുണ്ട്. തന്നെ നിരന്തരം ഉപദ്രവിക്കാറുണ്ടെന്നും ഭക്ഷണം നൽകാറില്ലെന്നും സരോജിനി തന്നോട് പറയാറുണ്ടെന്ന് പ്രേമ പറഞ്ഞു. വാടക വീട്ടിൽ തനിച്ച് താമസിക്കുന്ന തനിക്ക് അമ്മയെക്കൂടി നോക്കാനാവില്ലെന്നാണ് പ്രേമ പറയുന്നത്.