തിരുവനന്തപുരം : കൊലപാതകം പ്രവര്‍ത്തനശൈലിയായി സ്വീകരിച്ച രണ്ട് പാര്‍ട്ടികളാണ് സിപിഎമ്മും ആര്‍എസ്എസുമെന്ന് പ്രതിപക്ഷ നേതാവ് രമേശ് ചെന്നിത്തല. ഈ രണ്ടുപാര്‍ട്ടികളും കേരളത്തിന് അപമാനമാണ്. ഇവര്‍ക്ക് ആളുകളെ കൊല്ലുക എന്ന ജോലി മാത്രമേ ഉള്ളോയെന്നും ചെന്നിത്തല ചോദിച്ചു.
മുഖ്യമന്ത്രിക്ക് പൊലീസിന് മേല്‍ നിയന്ത്രണം നഷ്ടപ്പെട്ടു. പിണറായി വിജയന്‍ വട്ടപ്പൂജ്യമാണെന്ന് ഇതോടെ തെളിയിച്ചിരിക്കുകയാണ്. ഭരിക്കാന്‍ അറിയില്ലെങ്കില്‍ ഇറങ്ങിപ്പോകണം. കാശിന് കൊള്ളാത്ത ഡിജിപിയാണ് ബെഹ്‌റ. ഇവരുടെയൊക്കെ കാലത്ത് ഇതല്ല ഇതിനപ്പുറവും നടക്കുമെന്നും രമേശ് ചെന്നിത്തല പറഞ്ഞു.
കണ്ണൂരിലെ കൊലപാതകങ്ങളില്‍ പ്രതിഷേധിച്ച് യുഡിഎഫിന്റെ നേതൃത്വത്തില്‍ കളക്ടറേറ്റുകളിലേക്ക് മാര്‍ച്ച് നടത്തി. പ്രതിപക്ഷ നേതാവ് രമേശ് ചെന്നിത്തല അടക്കമുള്ളവര്‍ സമരത്തില്‍ പങ്കെടുത്ത് അറസ്റ്റ് വരിച്ചു. കൊലപാതക രാഷ്ട്രീയം തടയാന്‍ ശക്തമായ നടപടി വേണമെന്ന് മുന്‍ മുഖ്യമന്ത്രി ഉമ്മന്‍ചാണ്ടി ആവശ്യപ്പെട്ടു.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ