തിരുവനന്തപുരം: മധ്യവേനല്‍ അവധി കഴിഞ്ഞ് സംസ്ഥാനത്തെ വിദ്യാലയങ്ങള്‍ ജൂണ്‍ ഒന്നിനു തന്നെ തുറക്കും. രണ്ടാം തീയതി ശനിയും മൂന്ന് ഞായറുമാണ്. ജൂണ്‍ 4 മുതലാണ് തുടര്‍ന്ന് ക്‌ളാസുകള്‍ നടക്കുക.
202 പ്രവൃത്തി ദിനങ്ങള്‍ പുതിയ അധ്യയനവര്‍ഷത്തിലുണ്ടാവുമെന്ന് വിദ്യാഭ്യാസ വകുപ്പ് അറിയിച്ചു. 2019ലെ എസ്എസ്എല്‍സി പരീക്ഷ മാര്‍ച്ച് 6 മുതല്‍ 25 വരെയാണ്.
കലാ,ശാസ്ത്രമേളകള്‍ ഈ വര്‍ഷം നേരത്തേ നടത്തും. ജനുവരിയില്‍ നടത്തിയിരുന്ന ഈ മേളകള്‍ ഡിസംബര്‍ 15 നു മുമ്പ് പൂര്‍ത്തിയാകത്തക്കരീതിയിലാണ് അക്കാദമിക് കലണ്ടര്‍ ക്രമീകരിച്ചിരിക്കുന്നത്. കായികമേളയുടെ തീയതി നിശ്ചയിച്ചിട്ടില്ല.
ഉപജില്ലാ സ്‌കൂള്‍ കലോത്സവം ഒക്ടോബറിലും ജില്ലാ കലോത്സവം നവംബറിലും സംസ്ഥാന കലോത്സവം ഡിസംബര്‍ 5 മുതല്‍ 9 വരെ ആലപ്പുഴയിലും നടക്കും. സ്‌കൂള്‍ ശാസ്ത്രമേള നവംബര്‍ 9 മുതല്‍ 11 വരെയും സ്‌പെഷല്‍ സ്‌കൂള്‍ കലോത്സവം ഒക്ടോബര്‍ 26, 27, 28 തീയതികളിലും നടക്കും.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ