തിരുവനന്തപുരം: സാലറി ചലഞ്ചിനോട് വിസമ്മതിച്ചവരുടെ ശമ്പളം മുടങ്ങില്ലെന്ന് ധനവകുപ്പ്. സര്‍ക്കാര്‍ ജീവനക്കാരുടെ ശമ്പളം യഥാസമയം നല്‍കുമെന്ന് ധനവകുപ്പ് വ്യക്തമാക്കി. ട്രഷറി ഡയറക്ടറെ ധനമന്ത്രി നേരിട്ട് വിളിച്ചുവരുത്തി നിര്‍ദേശം നല്‍കി.
ട്രഷറി ഇന്ന് രാത്രി ഒമ്പതുമണിവരെ പ്രവത്തിക്കും. ട്രഷറികളില്‍ ഹെല്‍പ്പ് ഡെസ്‌ക്കുകള്‍ തുറക്കും. ഇന്നെത്തുന്ന മുഴുവന്‍ ബില്ലുകളും ഇന്നുതന്നെ പാസാക്കുമെന്നും മന്ത്രി വ്യക്തമാക്കി.
സമ്മതപത്രം നല്‍കിയ ഓഫീസുകളുടെ ബില്ലുകള്‍ മാത്രമാണ് കഴിഞ്ഞ ദിവസം മാറിയത്. സമ്മതപത്രം നല്‍കാത്ത ഓഫീസുകളുടെ ബില്ലുകള്‍ മാറുന്നില്ലയെന്ന് കഴിഞ്ഞ ദിവസം വാര്‍ത്തകള്‍ വന്നിരുന്നു.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ