കോഴിക്കോട്: ബാബറി മസ്ജിദിനെ ശബരിമലയോട് താരതമ്യം ചെയ്യേണ്ടതില്ലെന്ന് മുസ്ലിം ലീഗ് നേതാവ് പി കെ കുഞ്ഞാലിക്കുട്ടി എം പി. ന്യൂനപക്ഷങ്ങള്‍ പമ്പരവിഡ്ഡികളാണെന്നാണ് ചിലര്‍ കരുതുന്നത്. ശബരിമല വിവാദത്തിലെ സര്‍ക്കാര്‍ നിലപാട് ന്യൂനപക്ഷ പിന്തുണ കിട്ടാന്‍ സഹായിക്കുമെന്ന വിലയിരുത്തലിന്റെ അടിസ്ഥാനത്തിലാണ്. എന്നാല്‍ ഇത് മലര്‍ പൊടിക്കാരന്റെ സ്വപ്‌നം മാതമാണ്. ആദ്യം ഉറച്ചനിലപാടില്‍ നിന്നവര്‍ ഇപ്പോള്‍ സാവകാശം തേടിയത് എന്തിനാണെന്നും കുഞ്ഞാലിക്കുട്ടി ചോദിച്ചു.
സന്നിധാനത്തെ രാഷ്ട്രീയ കളമാക്കി ബിജെപിയെ വളര്‍ത്താനാണ് സിപിഎം ശ്രമിക്കുന്നത്. വര്‍ഗീയ വിഷം ഇളക്കി വോട്ടാക്കി മാറ്റാനാണ് ബിജെപിയുടെ ശ്രമം. പൊതു സമൂഹം പ്രതികരിക്കേണ്ട സമയമാണിതെന്നും കുഞ്ഞാലിത്തുട്ടി പറഞ്ഞു.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ