തലശ്ശേരി: ട്രക്കിംങിനിടെ സെല്‍ഫിയെടുക്കാന്‍ ശ്രമിക്കുമ്പോള്‍ കാല്‍വഴുതി കൊക്കയില്‍ വീണ മലയാളി ദമ്പതികള്‍ മരിച്ചു. കലിഫോര്‍ണിയയില്‍ വച്ചായിരുന്നു സംഭവം. കതിരൂര്‍ സ്വദേശിയായ വിഷ്ണുവും ഭാര്യ മീനാക്ഷിയുമാണ് മരിച്ചത്. മൃതദേഹത്തില്‍ നിന്നും ലഭിച്ച ഡ്രൈവിംങ് ലൈസന്‍സില്‍ നിന്നാണ് ഇവരെ തിരിച്ചറിഞ്ഞത്.
കലിഫോര്‍ണിയയില്‍ സോഫ്‌റ്റ്വെയര്‍ എഞ്ചിനീയറായിരുന്നു വിഷ്ണു. ട്രംക്കിംങിനിടയില്‍ മലമുകളില്‍ നിന്ന് സെല്‍ഫിയെടുക്കാനുള്ള ശ്രമത്തിനിടെയാണ് അപകടം സംഭവിച്ചതെന്ന് യുഎസിലെ ഇന്ത്യന്‍ കോണ്‍സുലേറ്റ് അറിയിച്ചു. ചൊവ്വാഴ്ചയായിരുന്നു അപകടമുണ്ടായത്. ബുധനാഴ്ച വിഷ്ണു ഓഫീസില്‍ എത്താതിരുന്നതിനെ തുടര്‍ന്ന് സുഹൃത്തുക്കള്‍ നടത്തിയ അന്വേഷണത്തിലാണ് അപകടവിവരം അറിഞ്ഞത്.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ