കൊച്ചി : കന്യാസ്ത്രീയെ പീഡിപ്പിച്ച കേസില്‍ ബിഷപ്പ് ഫ്രാങ്കോ മുളയ്ക്കല്‍ അറസ്റ്റിലായതോടെ ഹൈക്കോടതിയില്‍ നല്‍കിയ മുന്‍കൂര്‍ ജാമ്യാപേക്ഷ നിലനില്‍ക്കില്ല. ഇക്കാര്യം സിംഗിള്‍ബെഞ്ചില്‍ അറിയിച്ച് ഹര്‍ജി പിന്‍വലിച്ച് ജാമ്യാപേക്ഷ സമര്‍പ്പിക്കാനാണ് ഇനി കഴിയുക.
സെപ്തംബര്‍ 18 നാണ് ബിഷപ്പ് ഫ്രാങ്കോ മുന്‍കൂര്‍ ജാമ്യാപേക്ഷ നല്‍കിയത്. അന്നു തന്നെ ഹര്‍ജി പരിഗണിച്ച സിംഗിള്‍ബെഞ്ച് സര്‍ക്കാരിന്റെ മറുപടി തേടി 25 ലേക്ക് മാറ്റി. അറസ്റ്റ് കോടതി തടഞ്ഞിരുന്നില്ല.
വെള്ളിയാഴ്ച രാത്രി എട്ടുമണിയോടെയാണ് ഫ്രാങ്കോയുടെ അറസ്റ്റ്
രേഖപ്പെടുത്തിയത്. മൂന്നുദിവസത്തെ ചോദ്യം ചെയ്യലിന് ഒടുവിലാണ് ഫ്രാങ്കോയെ അറസ്റ്റ് ചെയ്തത്.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ