കോട്ടയം: കോട്ടയം- കൂത്താട്ടുകുളം റൂട്ടില്‍ ഇന്നലെ പുതിയതായി ഓര്‍ഡിനറി ബസ് സര്‍വീസ് ആരംഭിച്ചതിനെതിരെ തെരഞ്ഞെടുപ്പ് കമ്മീഷന്‍. പെരുമാറ്റച്ചട്ടം നിലവില്‍ ഉള്ളപ്പോള്‍ പുതിയ ബസ് റൂട്ടില്‍ അനുവദിച്ചത് തെറ്റാണെന്നും വിശദീകരണം നല്‍കണമെന്നുമാവശ്യപ്പെട്ട് ജില്ലാ കളക്ടറാണ് നോട്ടീസ് നല്‍കിയത്.
ലാഭകരമല്ലാത്ത റൂട്ടായിട്ട് കൂടി സര്‍വീസ് തുടങ്ങിയത് ചിലരുടെ സ്വാധീനത്തിന്റെ ഫലമായാണെന്ന് ആരോപണം ഉയര്‍ന്നിരുന്നു.
അതേസമയം ഇത് പുതിയ സര്‍വീസ് അല്ലെന്നാണ് ഡിപ്പോ അധികൃതരുടെ വിശദീകരണം. വര്‍ഷങ്ങളായി കോട്ടയത്ത് നിന്നും വാക്കാട് വരെയുണ്ടായിരുന്ന സര്‍വീസാണെന്നും ഇത് പുനഃക്രമീകരിച്ച് കൂത്താട്ട്കുളത്ത് നിന്ന് ആക്കിയെന്നേയുള്ളൂവെന്നും കണ്‍ട്രോളിങ് ഇന്‍സ്‌പെക്ടര്‍ വിശദീകരിച്ചു.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ