വയനാട്: രാഹുൽ ഗാന്ധിയെ പ്രതിരോധിക്കാൻ കിസാൻ മാർച്ചുമായി എൽഡിഎഫ് രംഗത്ത്. നാളെ പുൽപ്പള്ളിയിൽ ആരംഭിക്കുന്ന മാർച്ചിൽ മഹാരാഷ്ട്രയിലെ കർഷക സമരങ്ങളുടെ നേതാവ് അശോക് ധാവ്ലെ, മാധ്യമപ്രവർത്തകൻ പി സായ്നാഥ് , വിജൂ കൃഷ്ണൻ തുടങ്ങിയവർ പങ്കെടുക്കും.
രാജ്യം ഭരിച്ച ബിജെപി-കോണ്‍ഗ്രസ് സര്‍ക്കാരുകളുടെ തെറ്റായ കര്‍ഷിക നയങ്ങള്‍ മൂലം കര്‍ഷകര്‍ നേരിട്ട പ്രതിസന്ധികള്‍ ജനശ്രദ്ധയില്‍ കൊണ്ടുവരികയാണ് കിസാൻ മാർച്ചിന്റെ ലക്ഷ്യം.
ദേശീയശ്രദ്ധയിലേക്ക് ഉയർന്ന് നിൽക്കുന്ന വയനാട്ടിൽ കർഷക വികാരം ഉണർത്തി രാഹുൽ ഗാന്ധിയുടെ ജനപ്രീതി കുറയ്ക്കുകയല്ലാതെ മറ്റ് മാർഗമില്ലെന്നാണ് എൽഡിഎഫ് പറയുന്നത്.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ