തിരുവനന്തപുരം; ഭിന്നശേഷിക്കാരനായ പതിനാറുകാരനെ പീഡിപ്പിച്ച കേസിൽ  വീട്ടമ്മ അറസ്റ്റിൽ. തിരുവനന്തപുരം നെടുമങ്ങാടാണ് സംഭവമുണ്ടായത്. കരിപ്പൂര്‍ സ്വദേശിയായ മുപ്പതുകാരിയാണ് പോക്സോ നിയമ പ്രകാരം അറസ്റ്റിലായത്. പ്രായപൂർത്തിയാകാത്ത ആൺകുട്ടിയെ ഇവർ ലൈം​ഗിക അതിക്രമത്തിന് വിധേയമാക്കുകയായിരുന്നു. 

വീട്ടിലെത്തിയ കുട്ടി ശാരീരിക അസ്വസ്ഥത പ്രകടമാക്കിയതിനെ തുടർന്ന് വീട്ടുകാർ ചോദിച്ചപ്പോഴാണ് പീഡന വിവരം പുറത്ത് വന്നത്. വിവാഹ ബന്ധം വേർപെടുത്തി കഴിയുകയാണ് പ്രതിയെന്ന്  പൊലീസ് അറിയിച്ചു. ഇവരെ കോടതിയിൽ ഹാജരാക്കി റിമാൻഡ് ചെയ്തു.