കൊച്ചി: ശ്രീകൃഷ്ണ ജയന്തി ആഘോഷ പരിപാടികളുടെ സമാപനം കുറിച്ച് ബാലഗോകുലം ഇന്ന് സംസ്ഥാനത്ത് 7500 ശോഭായാത്രകള്‍ സംഘടിപ്പിക്കും. കോഴിക്കോട് നടക്കുന്ന മഹാശോഭായാത്ര സംഗമം ആര്‍എസ്എസ് സര്‍സംഘചാലക് ഡോ. മോഹന്‍ ഭഗവത് ഉദ്ഘാടനം ചെയ്യും.
തിരുവനന്തപുരത്ത് നടക്കുന്ന സംഗമത്തിന്റെ ഉദ്ഘാടനം മുന്‍ ഡിജിപി ഡോ. ടിപി സെന്‍കുമാര്‍ നിര്‍വഹിക്കും. കോട്ടയത്ത് പന്തളം കൊട്ടാരം പ്രതിനിധി പി രാഘവവര്‍മ്മ, എറണാകുളത്ത് മേയര്‍ സൗമിനി ജയിന്‍, ആലപ്പുഴയില്‍ സി അജിത്ത്, കൊല്ലത്ത് ഡി നാരായണ ശര്‍മ, തൃശൂരില്‍ കെപി ബാബുരാജന്‍, കണ്ണൂര്‍ ടൗണില്‍ സ്മിത വത്സലന്‍, പാലക്കാട് ഡോ. ആശ ഗോപാലകൃഷ്ണന്‍ എന്നിവരും സംഗമങ്ങള്‍ ഉദ്ഘാടനം ചെയ്യും.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ