കൊച്ചി: ജലഗതാഗത വകുപ്പിന് കീഴിലെ ബോട്ടുകളിലെ ചാർജ് നാളെ (ശനിയാഴ്ച) മുതൽ വർദ്ധിക്കും. ആറ് രൂപയാണ് നാളെ മുതൽ ബോട്ട് യാത്രയ്ക്ക് മിനിമം ചാർജ്. നാല് രൂപയിൽ നിന്നാണ് ആറ് രൂപയായി മിനിമം ചാർജ് ഉയർത്തിയിരിക്കുന്നത്. കൂടിയ ചാർജ് 12 രൂപയിൽ നിന്ന് 19 രൂപയാക്കിയിട്ടുണ്ട്. 

യാത്രാക്കൂലി വർധനയുമായി ബന്ധപ്പെട്ട നാറ്റ്പാക്ക് റിപ്പോർട്ടിന്റെ അടിസ്ഥാനത്തിലാണ് നടപടി. വകുപ്പ് തല കമ്മറ്റി തയാറാക്കിയ നിരക്ക് വർധന സർക്കാർ അംഗീകരിക്കുകയായിരുന്നു. ഏഴ് വർഷത്തിന് ശേഷമാണ് ജലഗതാഗത വകുപ്പിൽ യാത്രാക്കൂലി വർധിപ്പിക്കുന്നത്.

‌